Kartilago

Kartilago apartenas al la grupo de kunliga histo (aŭ konektiva, subtena histo).

Kiel kutime por kunligaj histoj, ankaŭ kartilago konsistas el ĉeloj ĉirkaŭataj de interĉela substanco. La kartilago-ĉeloj estas "kondrocitoj", ili estas globformaj kaj enhavas multan akvon, grason kaj glikogenon. La interĉela substanco enhavas ĝis 70% da akvo.

Pro sia elasteco kartilago troviĝas ĉe la artikoj inter la ostoj kaj tie servas kvazaŭ skusorbilo. En kartilago malmultas nervoj, tiel la histo mem estas preskaŭ dolor-imuna. Ankaŭ malmultas angioj, tiel kartilago estas histo kun tre malrapida metabolo kaj tiel ĝi nur tre malrapide regeneriĝas post ia damaĝo.

En la homa organismo kartilago aperas en multaj lokoj:

• artikoj inter la ostoj
• intervertebraj diskoj
• menisko
• spirorganoj, aparte la traĥeo (spirtubo), la laringo, voĉkordoj kaj epigloto kaj la bronkoj
• nazo
• ekstera orelo

• Aĥondroplazio
• Ostologio
• Kartilagaj fiŝoj
• Ĥondrocito
• Ĥondrosteoj
• Sinovia likvo

Ĉi tiu artikolo ankoraŭ estas ĝermo pri biologio. Helpu al Vikipedio plilongigi ĝin. Se jam ekzistas alilingva samtema artikolo pli disvolvita, traduku kaj aldonu el ĝi (menciante la fonton).