Gotha: Urbo en Turingio, Germanio

Fine de decembro 2022 la komunumo havis 46 019 loĝantojn.

Gotha
urba komunumo de Germanio • ĉefurbo de distrikto en Germanio
Blazono
Administrado
Ĝemelurboj Kielce • Romilly-sur-Seine • Salzgitter • Gastonia • Martin vd
Poŝtkodo	99867
En TTT	Oficiala retejo [+]
Demografio
Loĝantaro	46 019  (2022) [+]
Loĝdenso	661 loĝ./km²
Geografio
Geografia situo	, 10° 43′ O 50.94888888888910.71833333333350° 57′ N, 10° 43′ O [+]
Alto	300 m [+]
Areo	69,58 km² (6 958 ha) [+]
Horzono	UTC+01:00 [+]
DEC Situo de Gotha
DEC Situo de Gotha
Alia projekto
Vikimedia Komunejo Gotha [+]
v • d • r

• Situo: 50°57' NO, 10°41' OR
• Horzono: GMT+1h (+2h de aprilo ĝis oktobro)

Unue menciita estis Gotha en 775 sub la nomo villa Gotaha. Tiam Karolo la 1-a donacis la lokon al la Abatejo Hersfeld. Inter 1180 kaj 1190 ĝi fariĝis urbo.

En la 15-a kaj la 16-a jarcento la loĝantoj komercadis ĉefe per greno, produktoj arbaraj kaj izatido.

Ekde 1572 la urbo apartenis al la Duklando Saksio-Koburgo, dum 1640-1918 tie ĉi rezidis la dukoj de Saksio-Gotha. Gotha famiĝis dum jarcentoj pro sia lernejo Gymnasium illustre. En 1798 okazis en Gotao la Unua astronoma kongreso eŭropa. Fama estas ankaŭ la multo da imponaj vilaoj, ekz. de Vilao Kuhnreuter.

Ĉe la krepusko de Turniĝo en aŭtuno 1989 gravis kiel okazigejo de rondaj tabloj kaj civitanaj formumoj la protestantisma Preĝejo Repaciĝo.

En 1767 malfermiĝis la fabrikoj de porcelanaĵoj. En 1785 Justus Perthes fondis eldonejon geografian, kiu baldaŭ ekfamiĝis, kaj en kiu aperis fine de 1879 ankaŭ la mondkonata romano Heidi de la svisa verkistino Johanna Spyri. Finiĝas en Gotao la arkitektura majstroverko Leinakanalo.

Sudokcidente de la urbo troviĝas la montaro Boxberg kiu servas kiel ripozumaero. En la 1920-aj jaroj estiĝis en la sudo de Gotao la belega ĝardenurbo Am schmalen Rain kiu eĉ hodiaŭ urboplanade kaj -evoluige gravas.

• En 1875 unuiĝis - post la akcepto de la t.n. Programo de Gotha - en la gastejo Tivoli maldekstraj partioj de Bebel/Liebknecht kaj de Lasalle.
• En 1917 fondiĝis tie ĉi la Sendependa Socialdemokrata Partio de Germanio (Unabhängige Sozialdemokratische Partei Deutschlands - USPD).
• La 7-an de aprilo 1946 unuiĝis en Gotha la landaj organizoj de la Komunista Partio de Germanio kaj de la SPD kaj nome ŝanĝiĝis en Socialistan Unuecan Partion de Germanio Sozialistische Einheitspartei Deutschlands. Ĉeestis kaj Wilhelm Pieck kaj Otto Grotewohl.

Religiaj

• Aŭgustenana kirko
• Ĉeftombejo de Gotha
• Kirko Sankta Bonifaco, katolika
• Preĝejo frederika
• Preĝejo Repaciĝo, en la norduesto
• Rondiro Juda vivo en Gotha
• Tombejo malnova (spuroj)
• Tombejo meza de Gotha
• Tombejo supra de Gotha

Kasteloj kaj similaĵoj

• Kastelo Friedenstein
• Kastelo Friedrichsthal kun oranĝerio
• Kastelo Mönchshof (Siebleben)
• Kastelparko Gotha
• Oranĝerio de Gotha
• Tekasteleto
• Vintra palaco/biblioteko

Aliaj

• Kunstforum
• Burĝa turo
• Cranach-domo kun Wasserkunst
• Ĝardendomo Frankenberg
• Am schmalen Rain
• Hipodromo Boxberg
• Leinakanalo
• Muzeo pri asekuroj
• Popoldomo Zum Mohren, pereinta
• Tivoli (Gotha)
• Urbodomo malnova
• Zoologia ĝardeno de Gotha

En la 1909-a jaro okazis en Gotha la 4-a Germana Esperanto-Kongreso. Kable aŭdeblis en Gotha inter 2012 kaj 2021 Turingio Internacia, la ĉiumonata Esperanto-radielsendo de Radio FREI.

• Saksio-Koburgo kaj Gotao (lando)
• Saksio-Koburgo kaj Gotao (dinastio)
• Distrikto Gotha
• Tramtransporto en Gotha
• Turingia Arbarfervojo
• Muzeaj Leonoj

• Bildkarto okaze de la 4-a Germana Esperanto-kongreso en Gotha
• Oficiala retejo
• Retejo angla Arkivigite je 2006-04-24 per la retarkivo Wayback Machine
• Tramo en Gotha
• Oficiala retejo de la distrikto Gotha