Donecka Provinco
Donecka provinco (ukraine Донецька область, Donecka oblast; ruse Донецкая область, Doneckaja oblast) estas unu el la 24 administraj unuoj de Ukrainio, kiuj nomiĝas область.
Fine de 2018 en la provinco vivis 4 200 461 loĝantoj sur areo de 26 517 kvadrataj kilometroj, kio rezultigas loĝdenson de 158 loĝantoj/km².
| Donecka provinco (Донецька область) | |||
| provinco | |||
 Roka elirejo el supra kretaceo | |||
 | |||
| |||
| Oficiala nomo: Донецька область | |||
| Lando |  Ukrainio | ||
|---|---|---|---|
| Historiaj regionoj | Ora Hordo (1236-1502), Donbas | ||
| Montaro | Donecka krjaĵ | ||
| Najbaras kun | 6 | ||
| Konata loko | Sanktmonta monaĥejo | ||
| Rivero | Donec | ||
| Ĉefurbo | Donecko | ||
| Areo | 26 517 km² (2 651 700 ha) | ||
| Loĝantaro | 4 500 500 (1.1.2009) | ||
| Denseco | 169,72 loĝ./km² | ||
| Fondita | 3-a de junio 1938 | ||
| Guberniestro | Pavlo Oleksandrovych Kyrylenko (ekde 5-a de julio 2019) | ||
| Horzono | MET (UTC+2) | ||
| - somera tempo | MET (UTC+3) | ||
| Poŝtkodo | |||
| Telefona prefikso | +380-62 | ||
| Kodo ISO 3166-2 | UA-14 | ||
| AKU | АН | ||
| Administra divido | - | ||
| Rajonoj (Distriktoj) | 18 | ||
 Donecka provinco | |||
 Vikimedia Komunejo: Donetsk Oblast | |||
| Retpaĝo: www.donoda.gov.ua | |||
Ĝiaj plej grandaj urboj estas krom la administra centro Donecko (Донецьк), la urboj Baĥmuto (Бахмут), Druĵkivka (Дружківка), Horlivka (Горлівка), Jasinuvata (Ясинувата), Jenakijevo (Єнакієве), Kostjantinivka (Костянтинівка), Kramatorsko (Краматорськ), Pokrovsk (Покровськ), Makijivka (Макіївка), Mariupolo (Маріуполь) kaj Slovjansko (Слов'янськ).
La provinco limas okcidente kun Zaporiĵa provinco kaj Dnipropetrovska provinco, nord-okcidente kun Ĥarkiva provinco, oriente kun Luhanska provinco kaj sud-oriente kun Rostova provinco.
En la provinco aktivas uzurpa Popola Respubliko de Donecko. La 11-an de majo 2014 okazis referendumo pri sendependeco en la regionoj de orienta Ukrainio, nome Donecko kaj Luganska provinco. La rezulto estis absolute majoritata por sendependeco, kvankam postaj deklaroj de novaj estroj kliniĝis al peto por aliĝo al Rusio.
Demografio
Nacieca konsisto de la provinco en 2001:
- 1. ukrainoj: 2744,1 mil (56,9%)
- 2. rusoj: 1844,4 mil (38,2%)
- 3. grekoj: 77.5 mil (1,61%)
- 4. belorusoj: 44,5 mil (0,92%)
- 5. tataroj: 19,2 mil (0,4%)
- 6. armenoj: 15,7 mil (0,33%)
- 7. judoj: 8,8 mil (0,18%)
- 8. azeroj: 8,1 mil (0,17%)
- 9. kartveloj: 7,2 mil (0,15%)
- 10. moldavoj: 7,2 mil (0,15%)
- 11. bulgaroj: 4,8 mil (0,1%)
- 12. germanoj: 4,6 mil (0,1%)
- 13. poloj: 4,3 mil (0,09%)
- 14. ciganoj: 4,1 mil (0,08%)
Kronologio de la kunteksto
- la 21-an de novembro 2013. Ekas protestoj sur la placo Maidan kontraŭ la politiko de Viktor Janukoviĉ (elektita prezidento de Ukrainio).
- la 20-an de februaro 2014. Nigra Ĵaŭdo. 60 manifestacintoj pereas dum kontraŭstaroj al la polico.
- la 22-an de februaro de 2014. Falas la registaro de Janukoviĉ.
- la 11-an de marto de 2014. La regionoj Krimeo kaj Sebastopolo deklaras sian sendependiĝon disde Ukrainio por unuiĝi al Rusio.
- la 30-an de marto de 2014. Okazas manifestacioj en la Donecka kaj Luhanska provincoj favore al pli granda aŭtonomeco.
- la 30-an de marto de 2014. Okazas manifestacioj en la Donecka kaj Luhanska provincoj favore al pli granda aŭtonomeco. Protestoj aperis sur la orienta parto de Ukrainio iuj separatistoj t.e. "nekonataj soldatoj", en rusiaj militaj uniformoj sen insignoj, tamen kun rusiaj Kalaŝnikov-mitraletoj kaj aliaj tipe rusiaj armiloj, fakte t.e. anoj de de rusa FSB (Federala Sekur-Servo aŭ ankaŭ nomata Federala Servo por Kontraŭspionado). La separatistoj okupigas administraciejojn ekz. en la jenaj urboj de la orienta Ukrainio (vidu la apudajn mapojn kun la montritaj situoj de la koncernaj urboj) Slovjansko, Mariupol (vidu la apudan mapon), Luhansko (vidu la apudan mapon), Ĥarkovo / Ĥarkivo (vidu la apudan mapon), Donecko (vidu la apudan mapon), Horlivka, Jenakijeve, la separatistoj ofte uzas homajn ŝirmŝildojn, estas jam mortintoj kaj multe da vunditoj.
- la 12-an de aprilo de 2014. Ekas kontraŭstaroj inter prorusiaj ribeluloj kaj la ukrainia armeo en la orientaj provincoj de Ukrainio.
- la 24-an de majo de 2014. La memproklamitaj Popolaj Respublikoj de Lugansko kaj Donecko anoncis la kreadon de Federacia Ŝtato Novrusio.
- la 26-an de majo de 2014. Ekas bataloj ĉe la Internacia flughaveno Donecko kaj ĉirkaŭaĵoj.
- la 13-an de junio — 26-an de junio de 2014. Intensiĝas la bataloj en Orienta Ukrainio.
- la 17-an de julio de 2014. La aviadilo Boeing 777 de Malaysia Airlines falis ĉe Hrabove. Ĉiuj 298 pasaĝeroj kaj skipanoj pereis en la akcidento.
- la 18-an de julio — 14-an de aŭgusto de 2014. Atakoj de la ukrainia armeo al Donecko kaj Lugansko.
- la 14-an de februaro 2015. Ekas batalpaŭzo inter prorusiaj ribeluloj kaj la ukrainia registaro.
- la 18-an de februaro de 2015. La ukrainia armeo abandonas la urbon Debalcevo, kiu estis en sakostrato de la teritorio de prorusiaj separatistoj post la batalpaŭzo.
Vidu ankaŭ
This article uses material from the Wikipedia Esperanto article Donecka provinco, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La enhavo estas disponebla laŭ CC BY-SA 4.0, se ne estas alia indiko. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Esperanto (DUHOCTRUNGQUOC.VN) is an independent company and has no affiliation with Wiki Foundation.