Oblas Donetsk

Laes hie wie v'r mit de versjillende saorte Limburgs ómgaon.

D'n oblas Donetsk (Oekraïens: Донецька область, Donets’ka oblast’; Russisch: Донецкая область, Donetskaja oblast) is 'nen oblas in 't oeëste van de Oekraïne. De regio haet zo'n 4 miljoen inwoeëners. 't Guuef 'n groeëte Russische minderheid en 't zude woeëne ouk Pontische Grieke. De houfstad en centrum van dit gebeed is de gelieknamige stad Donetsk. Saer 't begin van d'n Oorlog in de Oekraïne in 2014 is die stad neet mier ónder kontrol van de centrale regering in Kiev en waere de zuudoeëstelike deile van de regio besteurd door pro-Russische separatiste. De deile van d'n oblas die nog wal in hand zien van 't Oekraïense laeger waere besteurd vanoet de stad Kramatorsk en ouk in de zujelike stad Marioepol aan de Zieë van Azov bevónde zich vuuel euverheidsinstanties. Die stad veel in mei 2022, nao waekelange belaegering door Róssische troepe.

D'n oblas Donetsk is ein van de twieë besteurlike einhede in d'n Donbass, 'ne rilletief vlake en vröchbare regio taege de grens mit Rusland. Dit gebeed haet 'n gunstig klimaat en groeëte steinkaolreserves. Vuuel belangrieke staej ligge dich beejein, wao-ónder Donetsk, Horlivka, Sloviansk, Kramatorsk, Makijivka en Jenakijeve.

• Oblas Loehansk