Ĝardena Nano
Ĝardena nano (aŭ ĝardena gnomo) estas statuo, prezentanta folkloran nanon, gnomon, koboldon ktp, kiun oni uzas por ornami sian ĝardenon.
| Ĝardena nano | |
|---|---|
 | |
| Informoj | |
Ĝardenaj nanoj estas kreitaj ĝenerale el ĉipa materialo kiel gipso, terakoto aŭ plasto; figuras maljunajn viretojn kun rozkolora haŭto, ruĝa ĉapo, blanka barbo kaj akre koloraj vestoj. Ili tenas diversajn ĝardenajn ilojn: ĉarumon (uzatan kiel florpoto), akvumilon, segilon, hakilon; aŭ muzikilojn: akordionon, violonon, sakŝalmon.
Iliaj tradiciaj kunuloj estas statuoj de cervinoj, fungoj, putoj el pneŭoj kaj malgrandaj ventmuelejoj.
Iuj modernaj ĝardenaj nanoj estas inspirataj de la bildoj de la sep nanoj de Neĝulino el la desegnofilmo fare de Walt Disney.
Historio
_2006-07-20.jpg)
Iuj asertas, ke la unuaj ĝardenaj nanoj estis figuroj de la egipta dio Beso.
Pli malfrue, en la Ĝardeno de Boboli en Florenco oni povas vidi la statuon de la nano Pietro Barbino, fare de Valerio Cigoli.
La unuaj popularaj ĝardenaj nanoj estis fabrikataj en la urbo Gräfenroda (Turingio, Germanio) je la 17a jarcento. Ili disvastiĝis en Svision, Aŭstrion kaj aliajn landojn. Germanio gastigas 27 milionojn da nanoj de ĝardeno. La Muzeo pri ĝardenaj nanoj (germane: Gartenzwergmuseum) troviĝas en Gräfenroda, en la vilaĝocentro (Ohrdrufer Straße nr 1).
En 1847 la brito Sir Charles Isham venigis 21 ĝardenajn nanojn el Germanio por ornami sian domon en Northamptonshire.
En la 1990-aj jaroj la ĝardenaj nanoj reviviĝis kun la reveno de la kiĉa modo. Estis kreitaj nanoj en ridindaj (eĉ pornografiaj) pozicioj, vestitaj kiel huliganoj aŭ batalistoj, ĵetontaj bombojn, murdontaj aŭ murditaj.
Aperis ĝardenaj naninoj, ofte seksallogaj (almenaŭ, vidpunkte de nanoj).
En Esperantio, en 2009, inaŭguriĝis en Sillingy (Francio) humura ĝarden-nana ZEO far la lokala grupo.(Bildo ĉi-kune. Kopioj el ceramiko estas anoncitaj, kiun oni baldaŭ povos aĉeti en la diversaj libroservoj).
Bildaro
-
La statuo de Pietro Barbino -
Germana katalogo de ĝardennanoj de 1910 -
Germana ĝardennano -
Eksteraj ligiloj
- hispane Nanoj de ĝardeno sen landlimo Arkivigite je 2009-09-05 per la retarkivo Wayback Machine
- france Afero pri nazia ĝardena nano Arkivigite je 2009-07-25 per la retarkivo Wayback Machine
- france La fenomeno "Nano de ĝardeno"
This article uses material from the Wikipedia Esperanto article Ĝardena nano, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La enhavo estas disponebla laŭ CC BY-SA 4.0, se ne estas alia indiko. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Esperanto (DUHOCTRUNGQUOC.VN) is an independent company and has no affiliation with Wiki Foundation.