La Casa Degli Omicidi
C'l artìcul chè 'l è scrit in Miranduléś
Miranduléś Murder in My House | ||
| La casa degli omicidi | ||
 La Lisa Zane in na figùra dal film | ||
| La cà di masamènt 2006 | ||
|---|---|---|
| Regìa: Robert Malenfant | ||
| Scritōr: Robert Malenfant • Christine Conradt | ||
| Atōr: Barbara Niven • Gary Hudson • Lisa Zane Daniel J. Travanti • Katherine Dines • Sean Orr Ellen Dubin • Sophie Gendron • Luigi Saracino Peter Michael Dillon • Caroline Redekopp | ||
| Müsica: Richard Bowers | ||
| Léngua: Ingléś | ||
| Dürä dal film: 93 minüt | ||
| Nasiōṅ: Cànada | ||
La casa degli omicidi (La cà di masamènt) 'l è 'n thriller canadéś dal 2006 ad Robert Malenfant, girâ par la televiśiòṅ a Ottawa.
Sunt
Dòp èsar stâ uperâ a 'l cōr p'r un bypass aòrt-curunàrig, al giùdas in pensiòṅ ad Filadèlfia Stan Douglas (Daniel J. Travanti) al còmpra na cà in dla campàggna dla Pennsylvania insém a sò fiōla Lauren Kessler (Barbara Niven), scritōra 'd lìbar par putèṅ, in manéra 'd psēr catàr dla paś. La dóna la próa anc lē a 'rfàr-as na vita dòp ès'r-as divursiàda a sinc méś da 'l matrimòni e avēr pardû sò fiōla pìcula, la Stephanie (Veronique-Natale Szalankiewicz), misa sóta da na màchina.
In dal quartēr la Lauren la cgnós subìt i sò vśèṅ 'd cà: Brian Ellis (Gary Hudson), amànt dal cursi a pē p'r armàgn'r in fórma, e la Claire (Ellen Dubin) ch'la gh'à na putìna ciamàda Genesis (Taylor Tucker-Duguay). La Claire la gh cònta che dū an prima, in dla dépendance dla vila ch'l'à cumprâ, a gh'è stâ 'n masamènt. Al psicòlug Garrett Whitman (Sean Orr) 'l éra stâ scurtlâ a mòrt e par 'l umisìdi l'éra stada cundanàda sò mujēr Amanda (Sophie Gendron) ch'la n andàva piò 'd acòrd sèg. Invéci a cupàr al dutōr 'l éra stâ Brian in parsòna parchè al n s cumpatìva briśa che lò 'l andìs a lèt cun sò mujēr Roxanne (Lisa Zane), masàda anc lē in dla vasca da bagn in manéra 'd far-al pasàr par 'n incidènt.
Stan al s mét a studiàr al prucès ch'l à mandâ l’Amanda in parśòṅ e al taca a pinsàr ch'a gh sia quèl ch'a traśa. Dòp avēr dascōr cun sò surèla Marlee Hall (Katherine Dines), ch'l'à tòlt in afidamènt sò anvōda Sydney (Katie Baker) dòp la cundàna, al giùdas al decìd 'd andàr-'g in fónd p'r al bèṅ dla giustìsia.
Culegamènt estéran
This article uses material from the Wikipedia Emiliàn e rumagnòl article La casa degli omicidi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.