Pennsylvania
C'l artìcul chè 'l è scrit in Miranduléś
Miranduléś
La Pennsylvania (a s lèś /ˌpɛnsᵻlˈveɪnjə/ in ingléś, scólta'l chè) 'l è 'n stat di Stat Unî ch'al s fà part di Stat d'l Atlàntic Mèdi e dal Commonwealth. La s è unìda a la federasiòṅ in dal 1787 e 'l sò nóm a vōl dir Bòsc ad Penn in unōr dal sò fundadōr, 'l ingléś William Penn.
La mùcia sù dagnóra trédas migliòṅ 'd abitànt par na superfìsi ad 119.283 km².
La sò capitàl l'è Harrisburg ma l'è Filadèlfia la sò sità più granda rivànd a cuntàr un migliòṅ e mèś 'd abitànt cóntar gnanc sinquànta-mila. Àtri sità impurtànti i èṅ Pittsburgh e Allentown. L'è divìśa in ssanta-sèt cuntèi e in 2.563 cumùṅ. Al sò mòt 'l è „Virtue, Liberty and Independence“ (Virtù, Libertà e Indipendénsa).
La cunfìna a nòrd c'n al stat ad New York, a òvest cun 'l Ohio, a sud c'n al Maryland e cun la Virgìgna d'l Òvest e a èst c'n al New Jersey e c'n al Delaware.
L'ecunumìa dal stat la pōl cuntàr su i prudót di camp (funś e sereài), su 'l alevamènt dal bèsti (bóv, nimài e pui) e su la prudusiòṅ dal lat e di sò prudót laurâ. L'indùstria siderùrgica la s la pasa mâł mént'r a và méj par qvéla lètrica, chìmica e dal magnàr.
Al sò guvernadōr, da 'l 2015, 'l è Tom Wolf dal partî demucràtic.
Culegamènt estéran
This article uses material from the Wikipedia Emiliàn e rumagnòl article Pennsylvania, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.