C'l artìcul chè 'l è scrit in Miranduléś
Filadèlfia (a s lèś /ˌfɪləˈdɛlfiə/ in ingléś) l'è na sità di Stat Unî 'd un migliòṅ e mèś 'd abitànt a 'l incìrca (41,8% biànc, 43,6% négar, 6,3% aśiàtic e 12,3% ispànig, dat dal 2010), la più granda dla Pennsylvania e la quìnta dal paéś. La fà part dla cuntèa 'd Filadèlfia cun dū fiùm ch'i gh pàs'n in mèś unénd-as, al Delaware, che finénd drit in d'l Ucéan Atlàntic al gh parmét 'd avér un pòrt dimóndi impurtànt, e 'l sò afluènt Schuylkill. Miténd insém tuta la sò àrea metrupulitàna, ch'la tira dènt'r anc di teritòri dal Delaware e dal New Jersey, la sità la mùcia sù dagnóra siē migliòṅ 'd abitànt.
L'ecunumìa 'd Filadèlfia la pōl cuntàr su i servìsi finansiàri (Aramark) e su la prudusiòṅ industriàla d'l asàł, dal madśìni (GlaxoSmithKline), dal rafinerìi (Sunoco) e dal magnàr.
Al sò sìndig, da 'l 2016, 'l è 'l demucràtic Jim Kenney. Filadèlfia l'è da sèmpar na sità 'd sinìstra tant che chè i candidâ demucràtic, da 'l 2000 in avànti, i aṅ sèmpar pasâ 'l 80% di vōt, anc in dal 2016 in du la Clinton l'à ciapâ 'l 82,19% di vōt cónt'r al 15,45% ad Trump anche se pò chi lò 'l à cunquistâ listés la Pennsylvania p'r i republicàṅ dòp vint-i-òt an.
This article uses material from the Wikipedia Emiliàn e rumagnòl article Filadèlfia, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.