C'l artìcul chè 'l è scrit in Miranduléś
Richard Tiffany Gere (Filadèlfia, 31 'd Agóst dal 1949, a s lèś [ˈɹɪtʃ.ɝd ˈɡɪər] in ingléś), cgnusû méj cuma Richard Gere, 'l è 'n atōr americàṅ vinsidōr 'd un Golden Globe p'r al film Chicago.
Nâ in dla Pennsylvania da di genitōr cun di urìgini ingléśi e irlandéśi, Gere al s diplòma in dal 1967 a la North Syracuse Central High School. Dòp avér recitâ a teàtar al taca a 'vér dal parti in soquànt film cuma In cerca di Mr. Goodbar, Una strada chiamata domani e Yankees. Al sucès par lò a riva in dal 1980 quànd al fà 'l gigolò in dal film ad Paul Schrader American Gigolò. 'L an dòp al fà incóra carpàr al cōr a cal dóni c'n al film Ufficiale e gentiluomo. In dal 1990 al gira 'n àtar sucès, Pretty Woman, insém a la Julia Roberts ch'la fà la scaja. Al mìstar Akira Kurosawa 'l al sarnìs p'r al sò Rapsodia in agosto subìt dòp.
Gere al pasa pò da i thriller Analisi finale, Schegge di paura, The Mothman Prophecies - Voci dall'ombra a la cumèdia ad sucès Se scappi, ti sposo dal 1999. In dal 2000 'l è 'l prutagunìsta dal film ad Robert Altman Il dottor T e le donne.
This article uses material from the Wikipedia Emiliàn e rumagnòl article Richard Gere, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.