Handjob Cabin
C'l artìcul chè 'l è scrit in Miranduléś
Miranduléś Handjob Cabin | ||
 La Willis e Kendall in na figùra dal film | ||
| La bàita dal pugnéti 2015 | ||
|---|---|---|
| Regìa: Bennet Silverman | ||
| Scritōr: Bennet Silverman | ||
| Atōr: Nicole Shipley • Jareb Dauplaise Jenna Willis • Jackson Kendall Pablo Hernandez • Owen Benjamin | ||
| Müsica: Extreme Music and ProScores | ||
| Léngua: Ingléś | ||
| Dürä dal film: 3 minüt | ||
| Nasiōṅ: Stat Unî | ||
Handjob Cabin (La bàita dal pugnéti) 'l è 'n curtumetràǵ americàṅ dal 2015 scrit e dirèt par Bennet Silverman, fat a la manéra 'd un trailer ufisiàł 'd un film ad scarésa. Al cònta la stòria dna ragasōla fantàśma ch'la gh'à 'l brut visi 'd far dal pugnéti a i óm ch'i finìs'n in dal sò bàita in fiṅ a cupàr-i da dèntar. La 'l fà par finìr un lavursèṅ ch'l'éra drē a far quànd l'è mòrta tut 'd un trat cascànd śò par na fnèstra.
In dal 2016 'l è stâ sarnî p'r èsar preśentâ a 'l “Telluride Horror Festival” in dla sesiòṅ di curtumetràǵ. 'L è dvintâ pò virâł in sal canàł 'd YouTube in du 'l à pasâ i déś migliòṅ ad vdudi in dal gir ad gnanc dū an e i vint-i-òt migliòṅ in dal 2018.
Sunt
Quàt'r amìg, Fratty Dan (Jareb Dauplaise), la sò muróśa Nicole (Nicole Shipley), Beanie Dan (Pablo Hernandez) e Brock (Jackson Kendall), i decìd'n ad pasàr un fiṅ 'd stmana in na bàita vōda in mèś a 'n bòsc. In dal bagn Brock al cata dal madśìni par far vgnir dûr al cas e al n créd minga a i sò òć ma pròpria méntar 'l è drē a tōr quèl in d'l armàri a salta fóra tut 'd un trat un fantàśma dóna (Jenna Willis) ch'la gh tira śò 'l braghi e pò la 'l traśa via sèg ciapànd-al p'r i pē.
La Nicole e Fratty, a n vdénd-al più turnàr śò ch'a gh'è na fèsta bèla tacàda in du a gh'è dla bira da bévar, i al vàn'n a pascàr sù e i faṅ a mènt ch'a gh'è 'n calsét tacâ a la marléta da 'l us cuma s'al vlis dir ch'l è drē a gusàr in dla sò cambra. Quànd i la vèran i càt'n al sò amìg ch'al dmanda ajùt mént'r a s véd un spìrit fémna ch'la gh tira na pugnéta da sōta 'n linsōl.
Beanie al lèś un vèć artìcul 'd un giurnàł in du a s dascór dna daśgràsia ch'l'è sucèsa in cla bàita lè soquànt an prima: na ragasōla l'éra strabucàda śò par la fnèstra méntar l'éra drē a far na pugnéta a 'l sò ragàs. A 'l impruvìś un bras dla fantàśma al sćiànca 'l paśni dal quotidiàṅ e pò la tōś in maṅ 'l uśèl dal pòvar Beanie ch'al taca a sigàr parchè 'l sà che par lò l'è finìda esénd che lē la n druarà minga dal lubrificànt parchè la 'l vōl far patìr.
Quànd anc Fratty al finìs in dal śgrinfgni dla ragàsa fantàśma, la Nicole l'armàgn da par lē, par furtùna ch'a sòna a la pòrta 'n vśèṅ 'd cà, Jim (Owen Benjamin), ch'al gh cònta incòsa, praticamènt ch'a s trata dna “mnada” maladìda esénd che tut i óm ch'i la patìsan pò i mōran. La fantàśma però la gh'à 'n piàṅ anc par la Nicole, qvél 'd un trapiànt ad béga acsè anc lē la pōl patìr al sò tratamènt.
Culegamènt estéran
Nòti
This article uses material from the Wikipedia Emiliàn e rumagnòl article Handjob Cabin, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.