Peyğamber
Peyğamber (Farski de: پیغامبر) merdumo ke bawer beno ke terefê Homay ra mesac ano u bawer beno ke peyğamber merduman ra u dinê Homay merduman miyan de vırazeno.
Terminolociya dini de vaciyeno ki peyğamber wayirê mucızeo u merdumo de mitolocik ya zi nêm-mitolociko. Mensubê dinê İbrahimi ra gore, peyğamber wehy gêno Homay ra yanê Homay peyğamberi ra wehy rışeno, şaweno. Dinê İbrahimi de peyğamberi pêro yewbinan ra gıreydayê. Hama miyanê inan de taê ferqi zi estê. Ornagên Cıhudiye de İsa u Mıhemmed peyğamber nêvêniyenê, Xıristiyaniye de ki Mıhemmed peyğamber nêvêniyeno. En peyên İslam de Musa zi İsa zi peyğamber vêniyeno, Mıhemmed zi peyğambero peyên vêniyeno. Mıhemmed her dı dinan de zi (Cıhudiye u Xıristiyaniye) peyğamber nêvêniyeno, qebul nêbeno.
Dinê bini de zey dinê Asya, Ewropa, Amerika u Afrika konseptê peyğamberi çıniyo. Co ra heni aseno ke peyğamber tenya dinê Rocvetışê Miyani de esto. Budizm, Hinduizm, Maniheizm u Şintoizm de peyğamber çıniyo. Qurane de cêniya çıniya ke peyğambera hama İncil u Tewrate de peyğambera cêniye esta.
Linkê teberi
Referansi
This article uses material from the Wikipedia Zazaki article Peyğamber, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Zerrekê cı bınê CC BY-SA 4.0 de qeyd biyo. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Zazaki (DUHOCTRUNGQUOC.VN) is an independent company and has no affiliation with Wiki Foundation.