Kurd

Dormarê Kurdan de şarê zey Tırkan, Ereban, Farsan ronışteyê. Her çıqa ke dewletê da inana resmiye çıniya, qısey Kurdıstani xeylê cayan de qebul biyo u tayê ca de zey İran u Iraqi namey mıntıqano resmiyo zi.

Kurd
Gruba etnike
Yezıdi, Sorankî, Kelhurî, Kırdaski, Zaza, Kurdê Xorasani, Shabak people û Q120281391
Melumat
Ware	Şarê İranki
Din	İslamo Sunni, Şıiyiye, Elewi, Yazidism, Xıristiyaniye û Cıhudiye
Formê bini	Kurdos

Kurdi, etnisite ra şarê do İrankiyo. Zıwanê Kurdan aidê komelê İraniyanê rocawanê zımey, bınkomelê (bıngruba) Karmanio. Zıwanê Kurdan hirê zıwanan ra yenê pêra:

1. Kurmanci (Kurdkiyê Zımey)
2. Sorani (Kurdkiyê Merkezi)
3. Kelhuri ya zi Kırmanşahi ya zi Feyli (Kurdkiyê Veroci)

Gorey texminan ra dınya de 40.000.000 - 50,000,000 Kurdi estê. Tırkiya de 20-25 milyoni, İran de 10 milyoni, Iraq de 8 milyoni, Suriya de 2.411.000 milyoni, Kofkas de dewletanê Ermenıstan u Gurcıstani de zi se hezar Kurdi estê. Rusya, Qazaxıstan de zi tayê Kurdi estê. Memleketanê Ewropa de zaf Kurdi (3 milyon) cıwiyenê. Sebebê cengê PKK u dewlete ra nıka Estamol, İzmir, Antalya, Mersin, Bursa u sûkanê binan de zaf Kurdi, Zazay u Suryaniy estê.

Kurdıstan de roy (çhemi), zey Fırat u Dicle royanê gırdan rayê. Golê Wani golê do tewr gırdo. Cayê Kurdan de xeylê namey Ermenki u Aramkiyê zi. Wextê Terteleyê Ermeniyan de xeylê Ermeniy u Suryaniy u Rumi kışiyay ya zi welatê xo terk kerd. Heta terteley Ermeniyan, Ermeniy u Suryaniy zaf biy (1,5 milyon).

Şarê Kurdan de eşiretiye hewna esta, tayinan de zi hewna dewa goni esta.

Hetê itıqadi ra Kurdi zafêri mısılmanê (%80), zafê ninan zi Sunni-Şafıi, tayê inan zi Sunni-Henefiyê. İran u Iraq de Kurdê veroci zafêri Şıiyê. Kışta ninan de Kurdê Elewiy u Yezıdiy zi estê.

• Khurmanc - Kırdas
• Khurr
• Kurdki
• Kurdıstan
• Soran