პაბლო ემილიო ესკობარ გავირია (ესპ.
1 ქირსეთუთა, 1949 — ღ. 2 ქირსეთუთა, 1993) — კოლუმბიარი ნარკობარონი დო კონტრაბანდისტი. მოღალობაშ ბორჯის, ააშ-შ ტერიტორიას მიშაღალირი კოკაინიშ 80%-ს თიში კარტელი აკონტროლენდჷ. შხირო „კოკაინიშ მაფათ“ შინელი ესკობარი, არძაშე დიდარი აბრაგი რდჷ ისტორიას დო 1990-იანეფიშ დაჭყაფურს თიში აფალი 30 მილიარდ ამერიკულ დოლარო რდჷ ფასებული. მუში საქვარუაშ პირუაშ ბორჯის თინა რდჷ მოსოფელიშ 10 უდიდარაშ ქოჩიშ შქას დო თიში ეგაფილ Hacienda Nápoles-ს ოხორანდჷ .
პაბლო ესკობარი | |
ჯოხო დაბადებაშვანს | პაბლო ემილიო ესკობარ გავირია |
---|---|
მოღალობა | მედელინიშ კარტელიშ დჷმარსხუაფალი დო ხემაჯღვერი |
ბიოგრაფიული ჩინებეფი | |
დაბადებაშ თარიღი | 1949 ქირსეთუთა, 01 |
დაბადებაშ აბანი | რიონეგრო, კოლუმბია |
ღურაშ თარიღი | ქირსეთუთა 2, 1993 (44 წანერი) |
ღურაშ აბანი | მედელინი, კოლუმბია |
ერუანობა | |
ალმასქუ | მარია ვიქტორია ენაო (1976–1993; თიშ ღურაშა) |
სქუალეფი | სებასტიან მაროკინი, მანუელა ესკობარი |
ახალობაშ დიდი ნორთის პაბლო რდჷ მედელინიშ ღარიბ მუხურს, ნამუთ ჩინებული რდჷ დჷნოშებურეფიშ დიდი მეწურაფათ. პაბლო დუდშე ხირულენდჷ სასაფლაშ ქუალეფს, გინოწიმინდანდჷ მიკნაჭარაშე დო უკული მეჸიდენდჷ პანამარ გინმაჸიდირეეფს. ხოლო პაბლო გჷმოჩანდჷ სიგარეტის დო მარიხუანას, ტყურაშიანო გინართინუანდჷ ლატარიაშ ბილეთეფს. პაბლოქ დარსხჷ დჷნოშებური ბუნა, მუთით ხირულენდჷ ზანდური ავტომობილეფს. უკული გინორთჷ რეკეტშა.
1971 წანას პაბლოშ ბუნაშ მაკათურეფქ იხვამილეს კოლუმბიარი ბიზნესმენი დიეგო ეჩევარიო, ნამუთ დიდი ხანიშ წამებაშ უკული დოჸვილეს.
This article uses material from the Wikipedia მარგალური (Margaluri) article პაბლო ესკობარი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.