قوباد تاڵەبانی: جێگری سەرۆكی حكومەتی هەرێمی كوردستان
قوباد تاڵەبانی (ناوی تەواو: قوباد جەلال حیسامەددین؛ لەدایکبووی ٢١ی تەممووزی ١٩٧٧) سیاسەتوانێکی کورد و جێگری سەرۆک وەزیرانی ھەرێمی کورستانە.
ئەم وتارە بۆ سەلماندن پێویستی بە ئاماژەی زیاتر بە سەرچاوەکان ھەیە. (فێربە کەی و چۆن ئەم داڕێژەیە لابەریت) |
ئەو ئەندامی یەکێتیی نیشتمانیی کوردستان و کوڕی جەلال تاڵەبانییە. لە کاتی دوو ئیدارەیی کوردستان لە بەشی سەوزدا لەساڵانی ٢٠٠١ بۆ ٢٠٠٣ یاریدەدەری بەرھەم ساڵح سەرۆکی حکوومەتی ئەو ناوچەیەی ھەرێم بوو؛ دواییش بووەتە نوێنەری حکوومەتی ھەرێمی کوردستان لە ویلایەتە یەکگرتووەکانی ئەمریکا، لەدوایشدا بە پلەی وەزیر لە ئەنجومەنی وەزیرانی حکوومەتی ھەرێمی کوردستان کاری کردووە، لە ئێستاشدا جێگری سەرۆکوەزیرانی حکوومەتی ھەرێمی کوردستانە لە کابینەی نۆیەمی حکوومەتی ھەرێم.
قوباد تاڵەبانی | |
|---|---|
 | |
| لەدایکبوون | ٢١ی تەممووزی ١٩٧٧ |
| نەتەوە | کورد |
| ناوەکانی تر | مامی بچووک |
| چالاکبوون | ٢٠٠١-تاکوو ئێستا |
| پاش | سەرۆکی حکوومەت |
| حیزبی سیاسی |  یەکێتیی نیشتمانیی کوردستان |
| ئایین | ئیسلام |
| ھاوسەر | شێری کراھام |
| مناڵ(ەکان) | لاری (کچ) ئاری (کوڕ) |
ژیان
قوباد زۆربەی ژیانی لە ناوچەی سەری خوارووی لەندەن لە شانشینی یەکگرتوو بەسەربردوە و دەرچوی زانکۆی سەرییە. پێش ئەوەی دەست بکات بە کاری سیاسی خەریکی کاری ئۆتۆمبیلی ئیتاڵی بووە و بڕوانامەی بەکالۆریۆسی ئەندازیاری میکانیکی ئۆتۆمبێلی ھەر لەوێ وەرگرتووە. دوای دەرچوونی لە زانکۆ ئیتر بڕیار دەدات تێکەڵ بە سیاسەت بێت. لە ھەمان چاوپێکەوتندا، باسی ئەوە دەکات کە لەگەڵ ماڵی باپیری لە بەریتانیا ژیاوە و بەھۆی چالاکی باوکی لە پێشمەرگایەتیدا ئەم نەیتوانیوە لە ماڵی خۆیان گەورە بێت. بەڵام دەڵێ کەوا تەواوی ژیانی پڕبووە لە میوان و کۆبوونەوەی سیاسی لە ناو ماڵباتی باپیری (ئیبراھیم ئەحمەدی باوکی ھێرۆخان).
خێزانی ناوی «شێری کراھام»ە و پێشتر کارمەندی نووسینگەی وەزارەتی دەرەوە بۆ کاروباری عێراق بوە.
نوێنەرایەتیی ھەرێم لە ئەمریکا
لە ساڵی ٢٠٠٦ و دوای یەکگرتنەوەی ئیدارەکانی ھەرێم، قوباد تاڵەبانی نوێنەرایەتی ھەرێمی دەکرد لە ئەمریکا تا دوای گەڕانەوەی بۆ کوردستان لە ساڵی ٢٠١٢دا و وەرگرتنی پۆستی «بەرپرسی فەرمانگەی ھەماھەنگی و بەدواداچوون» کە پلەی وەزیری ھەیە.
سەرچاوەکان
بەستەرە دەرەکییەکان
| کۆمنزی ویکیمیدیا، میدیای پەیوەندیدار بە قوباد تاڵەبانی تێدایە. |
This article uses material from the Wikipedia Soranî / کوردی article قوباد تاڵەبانی, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ناوەرۆک لەبەردەستە لەژێر CC BY-SA 4.0دا، مەگەر پێچەوانەی وترابێ. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Soranî / کوردی (DUHOCTRUNGQUOC.VN) is an independent company and has no affiliation with Wiki Foundation.