سەد ساڵ تەنیایی

لە ساڵی ١٩٦٧ دا چاپ کراوە و نزیکەی سی میلیۆن دانەی لێ فرۆشراوە. بۆ نزیکەی سی زمانی جیھانیش وەرگێڕدراوە. بەھۆی ئەم ڕۆمانەوە خەڵاتی نۆبڵی وێژە لە ساڵی ١٩٨٢ بە گابریل گارسیا مارکیز بەخشرا. مارکێز ئەم ڕۆمانەی لە ساڵی ١٩٦٥ دا لە مەکسیک نووسیوە. دوای دوو ساڵ دەزگای (سودا ئەمریکانا بۆ چاپ و بڵاوکردنەوە) لە ئەرجەنتین بۆ یەکەمجار ھەشتا ھەزار نوسخەی لێ چاپکرد. ئەم ڕۆمانە بە گرنتگترین ڕۆمانەکانی ئیسپانیا و ئەمریکا دائەنرێت. یەکێکیشە لە بەناوبانگترین کارە ئەدەبییەکانی جیھان. ڕۆمانی سەد ساڵ تەنیایی یەکەمین ڕۆمانە کە زۆرترین جار خوێندراوەتەوە و وەرگێڕدراوە بۆ سەر زمانە جیھانییەکانی دیکە.

سەد ساڵ تەنیایی

نووسەر	گابریێل گارسیا مارکێز
سەردێڕی سەرەکی	Cien años de soledad
وەرگێڕ	گرێگۆری ڕاباسا
وڵات	کۆڵۆمبی
زمان	ئیسپانی
چەشن	ڕیالیزم، ڕۆمان
بڵاوکەرەوە	ھارپەر (ئەمریکا) Jonathan Cape (بەریتانیا)
ڕێکەوتی بڵاوبوونەوە	١٩٦٧
بڵاوبوونەوە بە ئینگلیزی	١٩٧٠
OCLC	١٧٥٢٢٨٦٥

نووسەر لەم ڕۆمانەدا ڕووداوەکانی شارۆچکەیەک ئەگێڕێتەوە لە دەمی ژیاننامەی خێزانێکەوە بە ناوی خێزانی پویندیا بە درێژایی شەش نەوە کە ئەم خێزانە لە گوندێکی خەیاڵی ئەژین بەناوی ماکۆندۆ. کە زۆربەی ناوی مناڵ و نەوەکانیشیان وەک لە ڕۆمانەکەوە ھاتوە بەناوی لادێکەیانەوە ناو ئەنێن.

1. خۆسێ ئەرکادیۆ پۆندیا (دامەزرێنەری لادێکە).
2. ئۆرسۆلا (خێزانی دامەزرێنەری لادێکە).
3. عەقید ئۆرلیانۆ کوڕی ئەرکادیۆ
4. ئەرکادیۆی کوڕ(کوڕی دامەزرێنی لادێکە).
5. ڕێبیکا کچی بنەماڵەکەیە کە ھەڵیان گرتۆتەوە.
6. ملکیادیس
7. ڤێرسپی کراسۆ (گەنجێکی ئیتاڵییە ھاتووە بۆ لادێکە بۆ ئەوەی فێری مۆسیقا ببێت).
8. ئەمارانتا
9. بیلار تینێرا.