ئاڵای کۆماری چیک

یەکەم ئاڵای چێکۆسلۆڤاکیا لەسەر بنەمای ئاڵای بۆھیمیا بوو، و سپی لەسەرووی سوور بوو. ئەمەش تا ڕادەیەک نزیک بوو لە ئاڵای پۆڵەندا، بۆیە سێگۆشەیەکی شین لە ساڵی ١٩٢٠ لە لای چەپی ئاڵاکە زیاد کرا. ئاڵاکە لەلایەن نازییەکانەوە لە ساڵی ١٩٣٩ قەدەغە کرا، چونکە حکوومەتێکیان لەو ناوچەیە پێکھێنا بوو، و سێ ڕەنگی ئاسۆیی سپی و سوور و شین بۆ ماوەی جەنگەکە بەکارھێنرا لەبری ئاڵای چێکۆسلۆڤاکیا. ئاڵای ساڵانی ١٩٢٠–١٩٣٩ی وڵاتەکە، لە ساڵی ١٩٤٥ دووبارە دروست کرایەوە.

کۆماری چیک

Name	Státní vlajka České republiky
ڕێژە	٢:٣
بەکارھاتوو	٣٠ی ئازاری ١٩٢٠؛ ١٠٤ ساڵ لەمەوبەر (١٩٢٠-٠٣-٣٠) (چیکۆسلۆڤاکیا و دواتر کۆماری چیک)
دیزایین	دوو قاڵبی ئاسۆیی یەکسان لە سپی (سەرەوە) و سوور لەگەڵ سێگۆشەیەکی شێوە خێمەیی لاریی شین، لە لای چەپ.
دیزایین لەلایەن	یارۆسلاڤ کورسا
Variant flag of کۆماری چیک
ڕێژە	١:١
بەکارھاتوو	١٩٩٣؛ ٣١ ساڵ لەمەوپێش (١٩٩٣)

ڕەنگە باوەکانی خاکەکانی چیک لە ئاڵای ساڵی ١١٩٢ سەرچاوەی وەرگرتووە.

دوای دامەزراندنی چێکۆسلۆڤاکیایەکی سەربەخۆ لە ساڵی ١٩١٨، وڵاتەکە ئاڵای سوور و سپی بۆھیمیایی بەکار دەھێنا، کە ھاوشێوەی ئاڵای پۆڵەندا بوو. دوای ئەوەی داوای پەسەندکردنی ئاڵایەکی نوێ لەلایەن دەوڵەتەکە نوێیەکەوە کرا، لیژنەیەکی دەوڵەت، یارۆسلاڤ کورسایان وەک دیزاینەری ئاڵاکە ھەڵبژارد. دیزاینەکەی بریتی بوو لە ھێڵێکی ئاسۆیی سوور و سپی کە لە ئاڵای بۆھیمیاوە وەرگیرا بوو و سێگۆشەیەکی شێوە خێمەیی شینیی بۆ زیاد کرد کە لەلای چەپی ئاڵەکە بەرەو لای ڕاست درێژ دەبووەوە.

ئاڵاکە بە فەرمی لەلایەن ئەنجومەنی نیشتمانی چێکۆسلۆڤاکیا لە ٣٠ی ئازاری ١٩٢٠ پەسەند کرا و لەو کاتەوە، بەردەوام بەکار دەھێنرێت، بێجگە لەو ساڵانەی کە چێکۆسلۆڤاکیا لەلایەن ئەڵمانیاوە لە کاتی جەنگی جیھانیی دووەمدا داگیر کرا.

لە کاتی دانوستانەکانی ساڵی ١٩٩٢ سەبارەت بە دابەشبوونی چێکۆسلۆڤاکیا، بڕگەیەک ھەبوو کە بەکارھێنانی ھێماکانی دەوڵەتی چێکۆسلۆڤاکیای پێشوو لەلایەن ھەریەک لە دەوڵەتانی جێنشینەوە قەدەغە دەکات، بەڵام کۆماری چیک بەکارھێنانی ئاڵاکەی دووپات کردەوە، کە ئێستاش بەکاری دەھێنێت.

ستانداردی سەرۆکایەتی

ڕێژە	١:١
بەکارھاتوو	١٩٩٣ (١٩١٨)
دیزایین لەلایەن	جیریی لۆدا

ھێمایەکی دیکەی فەرمی چیک، ستانداردی سەرۆکایەتی کۆماری چیکە. بۆ یەکەمجار لە ساڵی ١٩١٨ بۆ سەرۆکی چێکۆسلۆڤاکیا داندرا. وەشانی ئێستا کە لەلایەن جیریی لۆدا دیزاین کراوە، لەگەڵ دروستبوونی کۆماری چیکی سەربەخۆ لە ساڵی ١٩٩٢ بەفەرمی داندرا.

وەشانەکان

•  
  ستانداردی سەرۆکایەتیکۆماری یەکەمی چێکۆسلۆڤاکیا (١٩١٨-١٩٣٩) و کۆماری چێکۆسلۆڤاکیا(١٩٤٥-١٩٦٠)
•  
  ستانداردی سەرۆکایەتیپارێزگاری بۆھیمیا و مۆراڤیا (١٩٣٩-١٩٤٥)
•  
  ستانداردی سەرۆکایەتیکۆماری سۆسیالیستی چێکۆسلۆڤاکیا (١٩٦٠-١٩٩٠)
•  
  ستانداردی سەرۆکایەتیکۆماری فیدراڵی چیک و سلۆڤاکیا (١٩٩٠-١٩٩٢)

• مێژووی ئاڵای چیک و چیکۆسلۆڤاکیا (بە چیکی)
• ئاڵای چیک - ڕاستییەکان، مێژوو، ڕەنگەکان (بە چیکی)
• "شارەزایی لە ئاڵاکان