Ruzenn Logigoù Mouezhiet

LFE – niverenn	133
LFE – unicode	z
LFE – skeudenn
X-SAMPA	z
Selaou

Ne vez kavet ur c'hwibanenn dent pe logigoù mouezhiet nemet e 28% eus holl yezhoù ar bed. Ouzhpenn, 85% eus ar yezhoù implijet gante ur son z-heñvel a vez komzet en Europa, Afrika ha kornôg Azia ha ral-kenañ e kaver ar son-se evel fonem e reter Azia, yezhoù ar Meurvor Habask hag en Amerikaoù.

Pa gaver ar fonem [z] en ur yezh bennak e kaver atav enni ar gensonenn divouezh par [s].

E yezhadur ar brezhoneg emañ liammet ar fonem-mañ ouzh ar e fonem divouezh par [s] dre ar c'hemmadurioù dre vlotaat daoust ha ma ne vez ket skrivet (sellit ivez ouzh ar pennad: "Dereziadur kensonennel"):

[s] > [z]
"sent" > "ar sent" (distaget "zent")

Peurliesañ e vez distaget ar fonenn [z] evel ur c'hwibanenn logigoù mouezhiet.

• Albaneg: zjarr [zjar], "tan"
• Tchetcheneg: zurma [zuɾma], "sonerezh"
• Tchekeg: zima [zɪma], "goañv"
• Saozneg: size [saɪz], "ment"
• Galleg: zèbre [zɛbʀ], "zebra"
• Hungareg: zálog [zaːlog], "escrow"
• Italianeg: casa [kaza], "ti"
• Japaneg: 全部 (zenbu) [zembɯ], "peptra"
• Ruseg: заезжать [zəɪˈʑʑætʲ], "dastum"
• Spagnoleg: desde [dezð̞e], "abaoe" (rannyezhoù 'zo)
• Swahilieg: lazima [lɑzimɑ], "rankout"
• Vietnameg: da [zɐː˧], "kroc'hen"

Gant yezhoù all avat e vez distaget ar fonem [z] evel ur ruzenn beg-logigoù mouezhiet, treuzksrivet dre implijout ur sin diakritel isisial hervez reolennoù al LFE: [z̺]

Skouerioù

• Katalaneg: zero [z̺ɛɾu], "mann"
• Gwaskoneg: casèrna [kaz̺ɛrno], "kazarn"
• Gresianeg: ζάλη [ˈz̺ali], "dizziness"
• Okitaneg (lenguadoc): véser [bez̺e], "gwelout"
• Spagnoleg: desde [dez̺ð̞e], "abaoe" (rannyezhoù 'zo: Antioqueño)

Ral a wezh e kaver ur ruzenn logigoù mouezhiet nann-c'hwibanus, hogozik atav evel alofennoù ur ruzenn dent.

Skouerioù

• Saozneg SuAfrika (rannyezhoù 'zo): round [ɹ̝ɑənd], "ront"
• Islandeg: þakið [θ̠akið̠], "toenn"
• Turkeg: göz [gœz̟], "lagad"

• Kensonenn
• Kensonenn logigoù
• Kensonenn mouezhiet
• Ruzenn