Gloucester

Kêr-benn kontelezh Gloucester eo.

Keoded Gloucester
An iliz-veur
51°52'12.0" N – 2°14'24.0" K
Douaroniezh
Statud	Keoded (1541)
Rannvro	Mervent Bro-Saoz
Kontelezh	Gloucestershire
Gorread	40,54 km²
Kod ONS	23UE
Demogafiezh
Poblañs • Stankder	128 500 (2016) 3 170 ann./km²
Internet	www.gloucester.gov.uk

War ribl dehoù ar stêr Hafren emañ. Gant an aradennad runioù Cotswolds eo gwarezet er reter tra m'emañ Koadeg Dean ha Tuchennoù Malvern er c'hornôg hag er gwalarn.

Ur porzh eo Gloucester. Gant Kanol Gloucester ha Sharpness eo liammet ouzh genoù an Hafren.

Gerdarzh

Gleawceaster en hensaozneg, eus al latin Coloniae Glev (II^vet kantved), eus Glevo, un anv keltiek a dalv "lec'h luc'hus" (levezonet marteze gant an hensaozneg gleaw "fur, evezhiek") + hensaozneg ceaster "kêr roman".

En Istor

Rivet & Smith^{(Petra eo ?)}, p. 368-69 :

• RIB 161 : enskrivadur kavet e Bath : DE(URIO) COLONIAE GLEV(ENSIS)
• CIL VI 3346 (ur bez e Roma) : ... frumentarius Legio VI (Colonia) Ner(via) GLEVI
• JRS XIX = CIL XVI ₁₃₀ : pro GLEVI exspectas GLEVO
• E.E IX. 1283, 1284 : Res Publicar Glevensium
• I.A 485₄ (Iter XIII) : CLEVO
• Ravenna 106₂₉ : GLEBON COLONIA
• Ravenna 106₁₂ : CLAVINIO / CLAVIMO

E yezhoù all

• Nennius 49 : Cair Gloiou / Gloiu
• Kembraeg : Caerloyw

Henamzer

Faezhet e voe an Dobunni, gant Legio II Augusta kaset gant Vespasianus, e Corinium (Cirencester) e 49-50. Legio II Augusta a voe staliet eno betek 57, pa voe kaset da Isca Dumnoniorum (Exeter) ; Legio XX Valeria, staliet bete henn e Camulodunum / Colchester, a yeas d'en em staliañ e Glevum.

Goude 66-67 e voe kaset Legio XX Valeria Victrix da Viroconium (Wroxeter), ha Legio II Augusta a yeas kuit eus Isca Dumnoniorum evit en em staliañ en-dro e Glevum, en ur c'hreñvlech nevez.
Eus Glevum ezeas ar Romaned da vrezeliñ enep ar Silured hag an Ordovices, e Kembre hiziv.

Savet e voe Glevum da Colonia Nervia Glevensis en amzer Nerva, e 96-98 ha staget ouzh ar rannvro anvet Britannia Prima, gant Corinium (Cirencester) da gêr-benn.

Evel Corinium hag Aquae Sulis (Bath), e kouezhas Glevum etre daouarn ar Saksoned goude emgann Deorham, kollet gant ar Vretoned, er bloaz 577.

•  
  Johannes Vorsterman
  (c. 1643–1699)
•  
  An iliz veur
•  
  Westgate Bridge