Broioù Keltiek
Ar broioù keltiek, pe Keltia evel ma reer anezho a-wechoù e brezhoneg, eo ar broioù ma komzer yezhoù keltiek.
 |
|
A-wechoù e reer gant Keltia ivez evit komz eus hollad an douaroù poblet gant ar Gelted en istor, e-pad eil oadvezh an houarn, da lavarout eo Galia, Preden, Hibernia, Norika dreist-holl.
Un naoutur hag un anv krouet en XIXvet kantved eo, hag ul liv romantel zo dezhañ, evel d'ar gerioù Cambria ha Caledonia e saozneg, pe d'ar ger Armorique e galleg evit komz eus Breizh.
Diazezet eo war ar meno ez a ar broioù a orin keltiek, pe ma vez komzet yezhoù keltiek, d'ober ur gumuniezh, dezhi un hêrezh heñvel, un hêrezh hag a c'hall bezañ sevenadurel pe istorel, pe tennañ d'ar yezhoù keltiek.
Notenn
Diwar ar ger Keltia e teu ar ger keltieg. Tud zo a ra gant kelteg, savet diwar ar ger kelt.
Ar c'hwec'h bro geltiek
| Bro | Anv keltiek | Yezh | Pobl | Niver a dud | Niver a yezherien |
 Bro-Skos | Alba | Gouezeleg Skos (Gàidhlig) | Skosed | 5m | 92 400 (1,8%) |
 Iwerzhon | Éire | Iwerzhoneg (Gaeilge) | Iwerzhoniz | 6m | 355 000- 1,8 milion (5,9%) |
 Enez-Vanav | Ellan Vannin | Manaveg (Yn Ghaelg) | Manaviz | 70 000 | < 1 700 (< 2,4%) |
 Kembre | Cymru | Kembraeg (Cymraeg) | Kembreiz | 3m | > 750 000 (> 25%) |
 Kernev-Veur | Kernow | Kerneveureg (Kernewek) | Kerneveuriz | 500,000 | 3 500 (0,7%) |
 Breizh | Breizh | Brezhoneg | Bretoned | 4m | 206 000 (4,7%) |
Gwelout ivez : Ar Gelted • Ogham • Yezhoù keltiek • Rouantelezhioù brezhon • Enez Vreizh • Galia
Levr
- Toute l'histoire des pays celtiques, Skol Vreizh.
This article uses material from the Wikipedia Brezhoneg article Broioù keltiek, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Danvez a c'haller implijout dindan CC BY-SA 4.0 nemet ha notet e vefe ar c'hontrol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Brezhoneg (DUHOCTRUNGQUOC.VN) is an independent company and has no affiliation with Wiki Foundation.