Añje: Kumun Bro-C'hall
Añje (stumm brezhonek, Angers stumm ofisiel gallek) eo kêr vrasañ kornôg Bro-C'hall, war ribl ar Maine, nepell eus he c'hember gant al Liger.
| Añje | |
|---|---|
 An iliz-veur hag ar c'hreiz-kêr istorel gwelet eus ar c'hastell. | |
 | |
| Anv gallek (ofisiel) | Angers |
| Bro |  Anjev |
| Melestradurezh | |
| Stad |  Frañs |
| Rannvro |  Broioù-al-Liger |
| Departamant |  Maine-et-Loire (prefeti) |
| Arondisamant | Añje (pennlec'h) |
| Kanton | Pennlec'h eizh kanton |
| Kod kumun | 49007 |
| Kod post | 49000, 49100 |
| Maer Amzer gefridi | Jean-Marc Verchère (MoDem) 2022-2026 |
| Etrekumuniezh | Communauté d'agglomération Angers Loire Métropole |
| Bro velestradurel | Pôle métropolitain Loire Angers |
| Lec'hienn web | angers.fr |
| Poblañsouriezh | |
| Poblañs | 155 876 ann. (2020) |
| Stankter | 3 650 ann./km² |
| Douaroniezh | |
| Daveennoù lec'hiañ | |
| Uhelderioù | bihanañ 12 m — brasañ 64 m |
| Gorread | 42,70 km² |
kemmañ  | |
Kêr-benn bro Anjev e oa en Istor, ha kavell an Tiegezh Plantagenet. Bremañ eo prefeti an departamant Maine-et-Loire, hag e-barzh ar rannvro velestradurel Broioù al Liger emañ. Ar gêr zo ur greizenn ekonomikel war dachennoù ar greanterezh, an touristerezh hag ar plant. E 2020 e oa 155 876 a annezidi enni.
Istor
Eus ar Gelted Andes pe Andecaves e teu hec'h anv. Er IVe kantved-Vvet kantved e oa anvet kêr civitas Andecavorum, pe Andecavis.
Kavell an tiegezh Plantagenet a voe Añje. Savet e voe he c'hastell gant Loeiz IX, roue Bro-C'hall, etre 1230 ha 1240. Brudet e voe René Anjev er XVvet kantved, ganet e Añje, dug Anjev, kont Provañs, roue Sikilia, roue Naplez hag all.
Angers eo kêr-benn Anjev c'hoazh hiziv hon deiz e pennoù he annezidi, daoust da vezañ e-barzh ar rannvro Broioù al Liger war an dachenn velestradurel.
Douaroniezh
Añje zo war ribl ar Maine, ur stêr hag en em daol el Liger un tamm pelloc'h er Su. Kemberiñ a ra teir stêr e norzh ar gêr hag a ya d'ober ar Maine : ar Mezven, ar Sarthe hag al Lez.
War bevenn Traoñ al Liger emañ Añje, ul lec'h rummet Glad bedel gant an UNESCO.
Touristerezh
Roet eo bet al label Kêrioù ha Broioù Arz hag Istor dezhi. Er c'hreiz-kêr istorel emañ tiez kozh dibar hag an Iliz-veur. Er C'hastell e c'haller gwelout Pallenn-moger an Apokalips.
Gevelliñ
- Haarlem (
Izelvroioù) - Osnabrück (
Alamagn) - Bamako (
Mali) - Pisa (
Italia) - Wigan (
Bro-Saoz) - Yantai (
Sina) - Austin (
Stadoù-Unanet)
Liammoù keneilded :
Tud
Tud bet ganet e Añje :
- Janed Bro-Saoz (1165-1199), rouanez Sikilia ha kontez Toloza
- René Anjev (1409-1480), dug Anjev, kont Provañs, roue Naplez ha roue Sikilia
- René Bazin (1853-1932), skrivagner
- Hervé Bazin(1911-1996), skrivagner
- Henri Dutilleux (1916-2013), sonaozour
Skeudennoù
- Añje
-
-
-
-
-
-
-
-
Liammoù diavaez
Notennoù ha daveoù
This article uses material from the Wikipedia Brezhoneg article Añje, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Danvez a c'haller implijout dindan CC BY-SA 4.0 nemet ha notet e vefe ar c'hontrol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Brezhoneg (DUHOCTRUNGQUOC.VN) is an independent company and has no affiliation with Wiki Foundation.