Aldebaran
Aldebaran, anvet ivez Alpha Tauri (α Tauri/α Tau), pe Ruzan e brezhoneg, eo lugernusañ steredenn steredeg an Tarv.
Emañ àr-dro 65 blead-gouloù douzh an Douar ha 14vet lugernusañ steredenn an oabl douzh an noz. Donet a ra an anv Aldebaran ag an arabeg al dabarān (الدبران) hag a dalv « an hani a heul », da lâret eo ar steredenn a heul gronnad stered ar yarig hag he foñsined. Hañval a ra bout Ruzan/Aldebaran e-mesk an Hyades, neoazh emañ etre an Douar hag ar gronnad stered-se. Hec'h anv brezhonek a tahe ag ar vitologiezh kelt.
Taolennadur
Ur ramzsteredenn ruz eo Ruzan ha 44 gwezh brasoc’h evit an Heol eo ha 150 gwezh lugernusoc’h. E 1997 e tinoer ur blanedenn vras pe ur gorrsteredenn c’hell e-taldi. Gellout a reer lec’hiañ Ruzan ken aes ha tra é vout m’eo lugernus-tre ha peogwir e c’heller tresiñ ul linenn-faltazi a ya ag an Tri Roue e steredeg Orion betek ar Yarig hag he foñsined é tremen dre Ruzan.
Notennoù ha daveennoù
This article uses material from the Wikipedia Brezhoneg article Aldebaran, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Danvez a c'haller implijout dindan CC BY-SA 4.0 nemet ha notet e vefe ar c'hontrol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Brezhoneg (DUHOCTRUNGQUOC.VN) is an independent company and has no affiliation with Wiki Foundation.