बांग्लादेस के भूगोल
बांग्लादेस के भूगोल समथर जलोढ़ मैदानी जमीन, एह मैदान में बहे वाली नद्दी सभ, उष्णकटिबंधी मानसूनी जलवायु आ खूब घन आबादी के बसाव वाला प्रमुख लच्छन लिहले बा। ई इलाका के थलरूपी बिभाजन में बांग्लादेस मैदान कहल जाला जे अउरी बड़हन बंगाल मैदान भा निचला गंगा मैदान के हिस्सा हवे। गंगा आ ब्रह्मपुत्र प्रमुख नदी बाड़ी आ इनहन के सहायिका नदी आ शाखा नदी सभ से ई इलाका बिच्छेदित बाटे। पहाड़ी भा ऊँच जमीन के नाँव पर चटगाँव के पहाड़ी हिस्सा भर बाटे।
 | |
| महादीप | एशिया |
|---|---|
| क्षेत्र | दक्खिन एशिया ; भारतीय उपमहादीप |
| रकबा | Ranked 94वाँ |
| • कुल | 147,610 किमी2 (56,990 वर्ग मील) |
| तटरेखा | 580 किमी (360 मील) |
| सीमा | भारत, बर्मा |
| सभसे ऊँच जगह | साका हफौंग (1,052 मीटर) |
| सभसे निचाई के जगह | हिंद महासागर (0 मीटर) |
बांग्लादेस के कुल रकबा 147,610 वर्ग किलोमीटर (1.5889×1012 वर्ग फु) बा आ ई देस उत्तर-दखिन में 820 किलोमीटर (510 मील) के आ पुरुब-पछिम में 600 किलोमीटर (370 मील) के बिस्तार लिहले बाटे। देस के सीमा तीन ओर से भारत से बने ला आ दूर दक्खिन-पुरुब में कुछ सीमा बर्मा देस के साथै बा, बाकी दक्खिनी सीमा समुंदरी सीमा हवे जे बंगाल के खाड़ी के सहारे बा।
संदर्भ
This article uses material from the Wikipedia भोजपुरी article बांग्लादेस के भूगोल, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). सामग्री CC BY-SA 4.0 की तहत उपलब्ध बा जबले कि अलगा से बतावल न गइल होखे। Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki भोजपुरी (DUHOCTRUNGQUOC.VN) is an independent company and has no affiliation with Wiki Foundation.