पूर्वांचल: भारत के क्षेत्र

पूर्वांचल
क्षेत्र
Location of Purvanchal
देश	भारत
क्षेत्र	उत्तर भारत
मंडल बिभाजन	लिस्ट गोरखपुर मंडल वाराणसी मंडल मिर्जापुर मंडल बस्ती मंडल आजमगढ़ मंडल प्रयागराज मंडल
भाषा	भोजपुरी, हिंदी, उर्दू, अवधी

भूगोलीय क्षेत्र के रूप में ई हिस्सा उत्तर में नेपाल, पूरुब में बिहार, दक्खिन में बघेलखंड, आ पच्छिमी ओर अवध क्षेत्र से घेराइल बाटे। ई इलाका दुनिया के सभसे घन बसल इलाका सभ में से एक बा। गंगा के मैदान के ठीक बीचोबीच स्थित ई इलाका उपजाऊ जमीन के चलते पुरान समय से घन खेती वाला इलाका हवे। हालाँकि, जनसंख्या के दबाव, खनिज संसाधन के कमी आ उद्योगीकरण के आभाव में ई इलाका आर्थिक बिकास के दौड़ में पिछड़ल बाटे। एकरे अलावा राजनीतिक उपेक्षा के भी एह इलाका के पिछड़ापन के कारण मानल गइल बा।

एह इलाका के बिकास लम्बा समय से राजनीतिक मुद्दा रहल बा हालाँकि एकर माँग बहुत जोर के नइखे। 1991 में उत्तर प्रदेश सरकार पूर्वांचल बिकास निधि के स्थापना कइलस बाकिर एकरे लाभ के बँटवारा आ उचित उपयोग पर सवाल उठल बा। पहिले भी उत्तर प्रदेश के बिभाजित करि के कई गो राज्यन के गठन के बात चल चुकल बा आ हाल के समय में तेलंगाना राज्य के गठन के बाद से पूर्वांचलो के माँग के सुगबुगाहट तेज भइल बाटे।

किताब

• Louise Tillin (1 अक्टूबर 2013). Remapping India: New States and their Political Origins. Hurst Publishers. ISBN 978-1-84904-229-1.
• Ajay K Mehra (3 अप्रैल 2013). Emerging Trends in Indian Politics: The Fifteenth General Election. Routledge. ISBN 978-1-136-19854-0.
• Shankarlal C. Bhatt (2005). Land and People of Indian States and Union Territories: In 36 Volumes. Uttar Pradesh. Gyan Publishing House. ISBN 978-81-7835-384-5.