दूधसागर झरना
दूधसागर भारतीय राज्य गोवा में मांडवी नदी पर एगो झरना बाटे। चार सीढ़ी के रूप में बहे वाला ई झरना भारत के कुछ सभसे ऊँच झरना सभ में से एक हवे। झरना गोवा के राजधानी पणजी से लगभग 60किमि के दूरी पर बाटे। नगीचे के प्रमुख शहर मडगाँव हवे। इहाँ सड़क के रास्ता से पहुँचल जा सके ला। एगो रेलवे ट्रैक झरना के ठीक सोझा से हो के जाला बाकी ई अब आम जनता खातिर खुला नइखे। ई गुंटकल-वास्को डी गामा लाइन कहाला जे आंध्र प्रदेश से कर्नाटक होखत गोवा ले बाटे।
| दूधसागर झरना | |
|---|---|
| दूधसागर प्रपात (हिंदी) | |
 अगस्त के महीना में दूधसागर झरना | |
| Location | गोवा-कर्नाटक बाडर के लगे गोवा में। |
| Coordinates | 15°18′46″N 74°18′51″E / 15.31277°N 74.31416°E 74°18′51″E / 15.31277°N 74.31416°E |
| Type | सीढ़ीदार |
| Total height | 320 मीटर (1017 फीट) |
| Number of drops | 5 |
| Average width | 30 मीटर (100 फीट) |
| Watercourse | मांडवी नदी |
एही मांडवी नदी पर, अउरी ऊपर की ओर कर्नाटक के बेलगाम के लगे एगो अउरी झरना बाटे जेकरा के वज्रपोह चाहे वज्रपोहा कहल जाला। दूधसागर झरना एह तरीका से मांडवी नदी पर दुसरा झरना हवे। नदी पच्छिमी घाट के पहाड़ी से उतर के अरब सागर में गिरे ले। दूधसागर झरना कर्नाटक-गोवा के बाडर बनावे ला आ ई महावीर अभयारण्य आ मोल्लेम नेशनल पार्क के हिस्सा हवे। झरना के चारों ओर के इलाका में घन बन बाड़ें आ जीवबिबिधता बहुत बा। झरना आमतौर पर पातर धारा सभ के रूप में रहे ला हालाँकि, बरसात के सीजन में बरखा के पानी से ई बिसाल रूप ले लेला।
संदर्भ
- दूधसागर, गोवा पर्यटन विभाग के वेबसाइट पर।
.svg) | ई भारत के कौनों अस्थान भा भूगोल से संबंधित लेख एगो आधार बाटे। जानकारी जोड़ के एकरा के बढ़ावे में विकिपीडिया के मदद करीं। |
This article uses material from the Wikipedia भोजपुरी article दूधसागर झरना, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). सामग्री CC BY-SA 4.0 की तहत उपलब्ध बा जबले कि अलगा से बतावल न गइल होखे। Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki भोजपुरी (DUHOCTRUNGQUOC.VN) is an independent company and has no affiliation with Wiki Foundation.