Bésame Mucho (Бэсамэ муча), што перакладаецца з іспанскай як «Цалуй мяне шмат» ці «Цалуй мяне мацней» — песня, напісаная мексіканскім кампазітарам Кансуэлай Веласкес у 1940 годзе перад сваім шаснаццацігоддзем.
Песня вельмі хутка стала адным з папулярных хітоў 20 стагоддзя.
Па словах самой Веласкес на напісанне песні яе натхніла арыя з оперы Goyescas, вядомага іспанскага кампазітара Энрыке Гранадаса.
У 1944 годзе Бэсамэ муча стала першай мексіканскай песняй, якая перамагла ў Нью-Ёркскім хіт-парадзе.
Існуюць варыянты песні на англійскай, французскай, японскай, в'етнамскай, рускай і іншых мовах. Песню ў розных варыянтах і аранжыроўках выконвалі больш як 700 выканаўцаў па ўсім свеце, у тым ліку:
і іншыя.
Матыў «Бэсамэ муча» гучыць у песні «Работа» з альбому гурта «Крамбамбуля» «Каралі раёну».
У альбоме Умные вещи (1995) гурта Neuro Dubel ёсць песня з назвай Бессаме муче, праўда да арыгінальнай версіі яна мае даволі ўскоснае дачыненне.
Кампазіцыя таксама выкарыстоўвалася ў якасці саўндтрэку да фільмаў: Вялікія спадзяванні (Great Expectations), A toda máquina, Месяц над матэлем (The moon over parador), Арызонская мара (Arizona Dream), Масква слязам не верыць (Москва слезам не верит) і Усмешка Моны Лізы (Mona Lisa Smile).
This article uses material from the Wikipedia Беларуская article Bésame mucho, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.