Сібірская Вікіпедыя (па-сібірску: Сибирска Википеддя) — закрыты раздзел Вікіпедыі на сібірскай мове.
Сібірская Вікіпедыя | |
---|---|
Сибирска Википеддя | |
URL | ru-sib.wikipedia.org |
Тып сайта | моўны раздзел Вікіпедыі[d] |
Мова(-ы) | сібірска-чалдонская (штучная) |
Уладальнік | Wiki |
Аўтар | Яраслаў Залатароў |
Пачатак працы | 1 кастрычніка 2006 года |
Канец працы | 1 лістапада 2007 года |
Бягучы статус | выдалены |
Медыяфайлы на Вікісховішчы |
Заснаваны 1 ліпеня 2006 года. 3 кастрычніка 2006 года колькасць артыкулаў у Сібірскай Вікіпедыі дасягнула 5 000. Станам на 11 жніўня 2007 года раздзел меў больш за 7 200 артыкулаў і паводле колькасці артыкулаў займаў 80-е месца сярод Вікіпедый. Закрыты рашэннем Фонду 19 верасня 2007 года.
Удзельнікі сібірскай Вікіпедыі займаліся перакладаннем розных тэкстаў на штучную сібірскую мову.
Сібірская мова — штучная мова на аснове сібірскіх старажыльчаскіх гаворак. Стваральнікі сцвярджалі, што такім чынам намагаліся стварыць культурны феномен у падтрымку ідэі асобнага сібірскага (сібірска-чалдонскага) народу. Пры распрацоўцы яны выкарыстоўвалі гаворкі паўночнарускага дыялекту, вядомага з IX стагоддзя.
У англійскай Вікіпедыі існаванне сібірскай мовы не было пацверджана аўтарытэтнымі крыніцамі. Стваральнікаў штучнай мовы абвінавачвалі ў сепаратызме.
8 кастрычніка 2006 года колькасць артыкулаў складала каля 6400. Да 2007 года раздзел выйшаў на 66-е месца ў спісе Вікіпедый з 6924 артыкуламі, такім чынам апярэджваючы некаторыя жывыя мовы: афрыкаанс, узбекскую, беларускую і г. д.
Тым не менш, 5100 артыкулаў былі пустыя: пра гады з 2999 г. да н. э. па 2100 г. н. э. Таксама было 162 артыкулы пра дзесяцігоддзі (у большасці пустых, альбо з паведамленнем: Чо было в ети годы, нам неведомо), 370 пустых артыкулаў пра дні. Яшчэ 251 артыкул быў напалову пусты і паведамляў аб нацыянальных даменах верхняга ўзроўню. Такім чынам, колькасць «сапраўдных» артыкулаў у раздзеле на сібірскай мове не перавышала 1200.
У артыкулах скажалася інфармацыя; напрыклад, былі згадкі, што для вядомых рускамоўных пісьменнікаў руская мова не была роднай: «На россейским говоре писавшы баюны Россейской анперии, сгонодоблены со всех народов: татарин Тургенев, украинец Чехов, поляк Достоевской, жыды Ильф и Петров, личнось неврубной народноси Пушкин, и никому-то из них етот мажной говор не был родимым. Ить весь руской народ обнакновенно лекотал дружно»
Раздзел быў закрыты 19 верасня 2007 года.
This article uses material from the Wikipedia Беларуская article Сібірская Вікіпедыя, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.