Ольстэр
О́льстэр (англ.: Ulster, ірл.: Cúige Uladh) — адна з чатырох гістарычных правінцый Ірландыі, якая аб’ядноўвае ў наш час дзевяць графстваў на поўначы вострава.
Шэсць з гэтых графстваў — Антрым, Арма, Даўн, Фермана, Ландандэры і Тырон — уваходзяць у склад Паўночнай Ірландыі, астатнія — Каван, Данегол і Манахан — з’яўляюцца часткай Рэспублікі Ірландыя. Насельніцтва Ольстэра складае парадку 2 млн чалавек. Плошча правінцыі — 24 481 км². Найбуйнейшы горад Ольстэра — Белфаст.
| Ольстэр (Ульстэр) | |||||
|---|---|---|---|---|---|
| Ulster, Cúige Uladh | |||||
| |||||
| Краіна | |||||
| Статус | Гістарычная правінцыя | ||||
| Уваходзіць у | |||||
| Адміністрацыйны цэнтр | |||||
| Найбуйнейшы горад | Белфаст | ||||
| Афіцыйныя мовы | англійская ірландская | ||||
| Насельніцтва | 1,932 млн (3-е месца) | ||||
| Плошча | 24 481 км² (2-е месца) | ||||
 | |||||
| Часавы пояс | GMT + 0.00 | ||||
| Код ISO 3166-2 | IE-U | ||||
 Медыяфайлы на Вікісховішчы | |||||
.svg){kind=small}
Асноўнай мовай з’яўляецца англійская, другой па распаўсюджанасці — ірландская. Каля 10 % насельніцтва Паўночнай Ірландыі маюць пэўныя веды ў ірландскай мове, хоць мову выкладаюць ва ўсіх графствах, якія з’яўляюцца часткай рэспублікі.
Часта Ольстэрам памылкова завуць Паўночную Ірландыю.
Геаграфія
Насельніцтва Ольстэра — каля 2 мільёнаў чалавек. Плошча — 24 481 квадратных кіламетраў (8 952 квадратных міль). Самы вялікі горад — Белфаст з насельніцтвам больш чым 500 000 чалавек. Шэсць з дзевяці акруг Ольстэра, Антрым (Aontroim), Арма (Ard Mhacha), Даўн (An Dun), Фермана (Fear Manach), Ландандэры (Doire) і Тырон (Tir Eoghain), фарміруюць Паўночную Ірландыю, якая засталася часткай Вялікабрытаніі пасля падзелу Ірландыі ў 1921 годзе. Тры Ольстэрскія акругі, Каван (An Cabhan), Данегол (Dun na nGall) і Манахан (Muineachan) з’яўляюцца часткай Ірландскай рэспублікі.
Гісторыя
У раннім Сярэднявеччы правінцыяй кіравала дынастыя О’Нілаў. Пасля нарманскага ўварвання ў XII стагоддзі Ольстэр трапіў пад кантроль нарманскіх баронаў — спачатку дэ Курсі, затым — дэ Ласі. Яны стварылі тут графства Ольстэрскае.
У XIX стагоддзі Ольстэр стаў самай багатай і квітнеючай правінцыяй Ірландыі, а Белфаст абагнаў сталіцу, Дублін, па насельніцтве.
У XX стагоддзі Ольстэр стаў арэнай сутыкненняў ІРА і праанглійскіх ольстэрскіх юніяністаў (Асацыяцыя абароны Ольстэра, Добраахвотніцкі фронт Ольстэра).
Гл. таксама
- Ольстэрскі нацыяналізм
- Сцяг Ольстэра
Зноскі
Спасылкі
На Вікісховішчы ёсць медыяфайлы па тэме Ольстэр- BBC Nations History of Ireland
- The British Isles Independent view of Ireland and the UK
- Inconvenient Peripheries Ethnic Identity and the United Kingdom Estate Архівавана 5 верасня 2005. The cases of «Protestant Ulster» and Cornwall’ by prof Philip Payton
- Mercator Atlas of Europe Архівавана 5 красавіка 2006. Map of Ireland («Irlandia») circa 1564
This article uses material from the Wikipedia Беларуская article Ольстэр, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.