Міхаіл Рыгоравіч Баразна

Кандыдат мастацтвазнаўства (1998). Рэктар Беларускай дзяржаўнай акадэміі мастацтваў (з 2010). Ганаровы член Расійскай акадэміі мастацтваў. У якасці рэктара БДАМ удзельнічаў у рэпрэсіях супраць студэнтаў, якія пратэставалі супраць фальсіфікацыі прэзідэнцкіх выбараў 2020 года. У сувязі з гэтым з чэрвеня 2021 года знаходзіцца ў санкцыйных спісах Еўрасаюза.

Міхаіл Рыгоравіч Баразна
Дата нараджэння	20 лістапада 1962(1962-11-20) (61 год)
Месца нараджэння	Ракушава, Круглянскі сельсавет, Круглянскі раён, Магілёўская вобласць, БССР, СССР
Грамадзянства	Беларусь
Род дзейнасці	мастацтвазнавец, мастацкі крытык, фотамастак, фатограф
Навуковая сфера	мастацтва і фатаграфія
Месца працы	Беларусь Беларуская дзяржаўная акадэмія мастацтваў
Навуковая ступень	кандыдат мастацтвазнаўства
Альма-матар	Беларуская дзяржаўная акадэмія мастацтваў
Член у	Беларускі саюз мастакоў Беларускі саюз дызайнераў
Узнагароды	Ганаровая грамата Міністэрства культуры Беларусі[d]
Медыяфайлы на Вікісховішчы

Скончыў Круглянскую сярэднюю школу, затым мастацка-прамысловы факультэт Беларускага дзяржаўнага тэатральна-мастацкага інстытута (1985). У 1986—1992 гадах мастацкі рэдактар выдавецтва «Беларусь». З 1992 года выкладае ў Беларускай дзяржаўнай акадэміі мастацтваў, у 1996—1998 гадах в.а. загадчыка кафедры гісторыі і тэорыі мастацтваў, з 1999 — прарэктар па навукова-творчай рабоце, з 2010 — рэктар. Прафесар кафедры гісторыі і тэорыі мастацтваў.

• Член грамадскага аб’яднання «Беларускі саюз мастакоў»
• Член Савета спецыяльнага фонду Прэзідэнта Рэспублікі Беларусь па падтрымцы таленавітай моладзі
• Старшыня Рэспубліканскага экспертна-мастацкага савета па манументальным і манументальна-дэкаратыўным мастацтве,
• Пастаянны член журы Рэспубліканскага конкурсу «Мастацтва кнігі»
• Член журы міжнародных творчых конкурсаў

Асноўныя персанальныя выстаўкі і праекты

• 1997 «Адзін у горадзе». Музей Беларускай дзяржаўнай акадэміі мастацтваў, Мінск
• 1997 «Вечны горад» — вечны …" Таварыства культурных сувязей з замежнымі краінамі, Мінск
• 1998—1999 «Мая Амерыка». Замежнае таварыства зямлі Паўночны Рэйн-Вестфалія, Дортмунд (Германія)
• 2000 «Белая шэрань». Музей сучаснага выяўленчага мастацтва, Мінск
• 2001 «Вечны горад». БелЭКСПА, Мінск
• 2001 «Preview». М-Галерэя Інстытута імя Гётэ ў Мінску
• 2002 «Ф. Рушчыцу прысвячаецца …». Беларуская дзяржаўная акадэмія мастацтваў, Мінск
• 2004 «Заслаўскі праменад». Заслаўскі гісторыка-культурны музей-запаведнік, Заслаўе
• 2004 «Зала чакання». М-Галерэя Інстытута імя Гётэ ў Мінску
• 2005 «206». Беларуская дзяржаўная акадэмія мастацтваў, Мінск
• 2006 «Рух трохкутніка». М-Галерэя Інстытута імя Гётэ ў Мінску
• 2009 «Тлумачальны слоўнік» (сумесна з К. Кенігсберг). Музей «Выратаваныя мастацкія каштоўнасці», Брэст; Выставачная зала Баранавіцкага краязнаўчага музея, Баранавічы; Карцінная галерэя Г. Х. Вашчанкі, Гомель; Абласны мастацкі музей імя П. В. Масленікава, Магілёў
• 2010 «Еўропа плюс» (сумесна з К. Кенігсберг). Галерэя Вышэйшай народнай школы Вены-Хітцынг, Вена, Аўстрыя
• 2010—2011 «Еўропа плюс-мінус» (сумесна з К. Кенігсберг). Музей сучаснага выяўленчага мастацтва, Мінск
• 2019 «Інтэнцыі». Рэспубліканская мастацкая галерэя, Мінск

Сумесныя выстаўкі і праекты

• 1995 «АРТУНОДЫСКУС». Віцебск
• 1996 «Belart. Zeitgenössische Kunst aus Belarus». Охтруп, Ібенбюрэн, Германія
• 1996 «Аўтапартрэт іншага». Галерэя візуальных мастацтваў «NOVA», Мінск
• 1996 групавая выстаўка Артура Клінава, Міхаіла Баразны, Вольгі Сазыкінай у Зямлі Паўночны Рэйн-Вестфалія, Германія
• 1997—1998 Выстава-турнэ. Варшава, Гданьск, Слупск, Познань, галерэя «Арсенал», Беласток (Польшча)
• 1999 «Хрон-А-Топ». Рэспубліканская мастацкая галерэя Беларускага саюза мастакоў, Мінск
• 1999 «Мінск — горад з тварам». Мінск
• 1999 «Беларускі друкаваны плакат». Рэспубліканская мастацкая галерэя Беларускага саюза мастакоў, Мінск
• 2000 «Час белых ценяў». Музей сучаснага выяўленчага мастацтва, Мінск
• 2000 «Новая калекцыя». Музей сучаснага выяўленчага мастацтва, Мінск
• 2000 «Ілюзія адлегласцяў». Другі міжнародны тэматычны выставачны праект. Нацыянальны мастацкі музей Рэспублікі Беларусь, Мінск; Магілёўскі абласны музей імя П. В. Масленікава, Магілёў
• 2001 «Неба і зямля Фердынанда». Музей сучаснага выяўленчага мастацтва, Мінск
• 2002 «Centre of Attraction». VIII Балтыйская трыенале міжнароднага мастацтва, Вільнюс, Літва
• 2002 «Фрагменты страчанага часу». Мастацкі цэнтр «Жыльбел», Мінск
• 2003 «Адроджаны свет. Яўрэйскае жыццё ў Цэнтральнай і Усходняй Еўропе». Музей сучаснага выяўленчага мастацтва, Мінск; Музей беларускага кнігадрукавання, Полацк; Абласны мастацкі музей імя П. В. Масленікава, Магілёў; Карцінная галерэя Г. Х. Вашчанкі, Гомель; Выставачная зала Бабруйскай гарадской арганізацыі Беларускага саюза мастакоў, Бабруйск
• 2003 «Краса Айчыны». Нацыянальны музей гісторыі і культуры, Мінск
• 2003 «Alberobello Arte edizione 2003». Альберабела. (Італія)
• 2004 «Дзежа вю». Выстава беларускай фатаграфіі. Галерэя Палаца Рэспублікі, Мінск
• 2004 «Крыж — прастора — сляды» (сумесна з І. Галертам). «Bunker church-gallery», Дзюсельдорф (Германія)
• 2004—2005 «Ілюзія часу». Чацвёрты міжнародны тэматычны выставачны праект. Музей Беларускай дзяржаўнай акадэміі мастацтваў, Мінск; Магілёўскі абласны мастацкі музей імя П. В. Масленікава, Магілёў; Мастацкая галерэя Г. Х. Вашчанкі, Гомель; Карцінная галерэя, Полацк; Гродзенскі дзяржаўны гісторыка-археалагічны музей, Гродна.
• 2006 «Універсум». Рэспубліканская мастацкая галерэя Беларускага саюза мастакоў, Мінск; Абласны мастацкі музей імя П. В. Масленікава, Магілёў.
• 2006—2007 «Прыпынак Еўропа». Пяты міжнародны тэматычны выставачны праект. Музей сучаснага выяўленчага мастацтва, Мінск; Карцінная галерэя, Полацк; Абласны мастацкі музей імя П. В. Масленікава, Магілёў; Мастацкая галерэя Г. Х. Вашчанка, Гомель; Дзяржаўны гісторыка-археалагічны музей, Гродна; Музей «Выратаваныя мастацкія каштоўнасці» і Абласны краязнаўчы музей, Брэст.
• 2007 «Юбілейны вернісаж». Выстаўка да 15-годдзя галерэі «Традыцыя» ім. Пранішнікава, Светлагорск.
• 2008 «Індустрыя святла». Выстаўка беларускай фатаграфіі. Музей Беларускай дзяржаўнай акадэміі мастацтваў, Мінск.
• 2088 «Прэзентацыя». Сумесны праект Дзюсельдорфскай акадэміі мастацтваў і Беларускай дзяржаўнай акадэміі мастацтваў. Музей Беларускай дзяржаўнай акадэміі мастацтваў, Мінск.
• 2009 «Ctrl+Art». Мастацкая выстаўка фатаграфікі. Рэспубліканская мастацкая галерэя Беларускага саюза мастакоў, Мінск.
• 2009 «Апостал народаў». Касцёл Святога Сымона і Святой Алены, Мінск.
• 2010 «Адлюстраванні». Выстаўка беларускай фатаграфіі. Кіеўская гарадская галерэя мастацтваў «Лаўра», Кіеў, Украіна.
• 2010 «Люстэрка часу». Мірскі замак, Мір.
• 2011 «Беларускі нацюрморт». Рэспубліканская мастацкая галерэя ГА «Беларускі саюз мастакоў», Мінск.
• 2011 «Адлюстраванні». Выстаўка беларускай фатаграфіі. Абласны мастацкі музей імя П. В. Масленікава, Магілёў; Музей сучаснага выяўленчага мастацтва, Мінск.
• 2019 «Лента часу» (Палац Нацый (Штаб-кватэра ААН) у Жэневе, Швейцарыя.

Удзел у якасці куратара

Асноўныя праекты

• 2002 Выстава «Мастакі сучаснай Беларусі» (Цэнтр П’ера Кардэна, Парыж, куратар)
• 2002 8-я Балтыйскай трыенале міжнароднага мастацтва ў Вільні (Літва, удзельнік)
• 2007 Пражская квадрыенале сцэнаграфічнага мастацтва (Чэхія, кіраўнік беларускай дэлегацыі)
• 2010 «belart.by. Маладыя мастакі Беларусі» у Маскве (Расія, куратар)
• 2011 54-я Міжнародная біенале мастацтва ў Венецыі (Італія, Куратар павільёна Рэспублікі Беларусь)

21 чэрвеня 2021 года Баразна быў унесены ў спіс беларускіх чыноўнікаў, якім забаронены ўезд на тэрыторыю ЕС. Паводле рашэння ЕС Баразна «нясе адказнасць за рашэнне адміністрацыі ўніверсітэта адлічыць студэнтаў за ўдзел у мірных акцыях пратэсту», пастановы аб чым былі прыняты пасля закліку Аляксандра Лукашэнкі 27 кастрычніка 2020 года адлічаць студэнтаў універсітэтаў, якія ўдзельнічаюць у акцыях пратэсту і страйках, — рэпрэсіі супраць грамадзянскай супольнасці і падтрымку рэжыму Лукашэнкі. З той жа фармулёўкай 7 ліпеня 2021 года Баразна трапіў і ў санкцыйны спіс Швейцарыі. 6 ліпеня да чэрвеньскага пакета санкцый ЕС далучыліся Албанія, Ісландыя, Ліхтэнштэйн, Нарвегія, Паўночная Македонія, Чарнагорыя.

• Лаўрэат Спецыяльнай прэміі Прэзідэнта Рэспублікі Беларусь у галіне крытыкі і мастацтвазнаўства (2001)
• Ганаровая грамата Міністэрства культуры Рэспублікі Беларусь (2005)
• Нагрудны знак Міністэрства культуры Рэспублікі Беларусь (2007)
• Ганаровая грамата Нацыянальнай акадэміі навук Рэспублікі Беларусь (2009)
• Медаль Нацыянальнай акадэміі навук Рэспублікі Беларусь (2011)
• Медаль «За ўклад у развіццё мастацтва» грамадскага аб’яднання «Беларускі саюз мастакоў»
• Нагрудным знак органаў пагранічнай службы «За Дапамогу органам пагранічнай службы» Дзяржаўнага пагранічнага камітэта Рэспублікі Беларусь (2011)
• Падзяка Міністэрства замежных спраў Рэспублікі Беларусь за асабісты ўклад у развіццё міжнароднага супрацоўніцтва і ўмацаванне міжнароднага аўтарытэту Рэспублікі Беларусь (2011)
• Медаль Францыска Скарыны (2019).