Яго каралеўская высокасць Прынц Джордж (Георг) Аляксандр Луі (Людовік) Уэльскі (англ.: Prince George of Wales; нар.
22 ліпеня 2013, Лондан) — член брытанскай каралеўскай сям’і, першы ўнук караля Карла ІІІ, першынец прынца Уэльскага Уільяма і прынцэсы Кэтрын, займае другое месца ў лініі атрымання ў спадчыну брытанскага прастола. Яшчэ да нараджэння прынца газета The Washington Post назвала яго «самым сусветна вядомым малянём».
Джордж Уэльскі | |||||||
---|---|---|---|---|---|---|---|
англ.: Prince George of Wales | |||||||
| |||||||
Нараджэнне | 22 ліпеня 2013 (10 гадоў) | ||||||
Род | Віндзорская дынастыя | ||||||
Імя пры нараджэнні | англ.: Prince George Alexander Louis of Cambridge | ||||||
Бацька | Уільям, прынц Уэльскі[…] | ||||||
Маці | Кэтрын, прынцэса Уэльская[…] | ||||||
Веравызнанне | Царква Англіі | ||||||
Адукацыя |
| ||||||
Дзейнасць | вучань, арыстакрат | ||||||
Сайт | royal.uk/prince-george | ||||||
Медыяфайлы на Вікісховішчы |
Брытанская каралеўская сям’я і главы Каралеўстваў Садружнасці |
---|
Яго Вялікасць Кароль
|
3 снежня 2012 года афіцыйны прадстаўнік каралеўскага двара Вялікабрытаніі заявіў, што жонка прынца Уільяма — герцагіня Кембрыджская — цяжарная і знаходзіцца ў бальніцы караля Эдварда VII у цэнтральным Лондане з сімптомамі таксікозу і прабудзе там яшчэ некалькі дзён. 14 студзеня 2013 было абвешчана, што стан герцагіні палепшыўся і дзіця народзіцца ў сярэдзіне ліпеня.
Герцагіня была дастаўлена ў бальніцу раніцай у 5:30, 22 ліпеня 2013 года. Хлопчык нарадзіўся ў 16:24 па мясцовым часе (18:24 па мінскім) вагай 8 фунтаў 6 унцый (3,8 кг). Прынц Уільям прысутнічаў пры родах, якія праходзілі ў бальніцы Святой Марыі — той жа бальніцы, дзе прынц Уільям і яго брат прынц Гары былі народжаны прынцэсай Дыянай у 1982 і 1984 гадах адпаведна. Роды прымалі былы і цяперашні гінеколагі каралевы — Маркус Сэтчэл і Алан Фарцінг.
У адпаведнасці з правіламі тытулавання, якія дзейнічаюць у брытанскай манархіі, нованароджаны атрымаў тытул прынца і права на зварот «Каралеўская высокасць». Яго поўны афіцыйны тытул выглядае наступным чынам: «Яго каралеўская высокасць прынц Джордж Кембрыджскі». «Кембрыджскі» тут — не асабісты тытул прынца (герцагам Кембрыджскім застанецца толькі прынц Уільям), а свайго роду тытул пачцівасці.
This article uses material from the Wikipedia Беларуская article Джордж Уэльскі, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.