Риа Новости

Галоўнымі прынцыпамі сваёй дзейнасці РІА Навіны называла «аператыўнасць, аб’ектыўнасць, незалежнасць ад палітычнай кан’юнктуры».

РИА Новости
Галоўны рэдактар	Святлана Міранюк (апошні галоўны рэдактар; да ліквідацыі «РИА Новости»)
Дата заснавання	24 чэрвеня 1941
Дата зачынення	1 красавіка 2014
Мова	руская
Галоўны офіс	Расія: 119021, Масква, Зубаўскі бульвар, 4
Вэб-сайт	www.ria.ru

Медыягрупа і агенцтва РІА Навіны былі расфарміраваны Указам Прэзідэнта Расійскай Федэрацыі Уладзіміра Пуціна «Аб некаторых мерах па павышэнні эфектыўнасці дзейнасці дзяржаўных сродкаў масавай інфармацыі» ад 9 снежня 2013 года. Паводле ўказу, замест ліквідаванага РІА Навіны створана Міжнароднае інфармацыйнае агенцтва «Россия сегодня» (бел.: «Расія сёння»).

Апроч аднайменнага агенцтва, у склад РІА Навіны ўваходзіла Расійскае агенцтва прававой і судовай інфармацыі (РАПСІ), Агенцтва спартыўных навін «Р-Спорт», Агенцтва эканамічнай інфармацыі «ПРАЙМ», Рэйтынгавае агенцтва «РИА Рейтинг» (бел.: «РІА Рэйтынг»), Расійскае інфармацыйнае агенцтва навукі і тэхналогій «РИА Наука» (бел.: «РІА Навука»), Выдавецкі дом «Маскоўскія навіны», сетка медыяцэнтраў у Расіі і за мяжой, а таксама больш за 40 інтэрнэт-рэсурсаў на 22 мовах з сукупнай аўдыторыяй на момант ліквідацыі звыш 20 млн унікальных наведвальнікаў у месяц.

Галоўны рэдактар РІА Навіны на момант ліквідацыі — Святлана Міранюк, якая кіравала агенцтвам з 2003 года.