Вялікая Пячатка Зша

Вялікая пячатка ЗША мае два бакі. Выяву на пярэднім баку (аверсе) часта называюць гербам ЗША, бо з агульнапрынятым значэнні гербу ў ЗША няма.

 

Пярэдні бок

На пярэднім боку пячаткі выяўлены белагаловы арлан. У адной лапе ён трымае 13 стрэл, у другой — аліўкавую галіну, якія сімвалізуюць, што Злучаныя Штаты Амерыкі «хочуць міру, але заўсёды гатовы да вайны». Аліўкавая галіна традыцыйна выяўлена з 13 лістамі і 13 аліўкамі. Галава арла павернута ў бок аліўкавай галіны, што значыць перавагу міру над вайной. У дзюбе арол трымае стужку з надпісам на лацінскай мове «E Pluribus Unum», што значыць «Са шматлікіх — адзінае». Над галавой арла размешчаны 13 зорак у блакітным воблаку. Зоркі размешчаны ў шэрагах 1-4-3-4-1, утвараюць шасціканцовую зорку. На грудзях у арла шчыт з блакітнай гарызантальнай паласой уверсе і 13 вертыкальнымі чырвонымі і сярэбранымі палосамі.

Адваротны бок

 

На адваротным боку пячаткі выяўлена няскончаная піраміда, яе вяршыню вянчае вока ў трохвугольніку. Піраміда складзена з трынаццаці ўзроўняў, традыцыйна сімвалізуе 13 штатаў, якія першапачаткова ўваходзілі ў склад ЗША — Масачусетс, Канектыкут, Род-Айленд, Нью-Гэмпшыр, Нью-Ёрк, Нью-Джэрсі, Пенсільванію, Дэлавер, Вірджынію, Мэрыленд, Паўночную Караліну, Паўднёвую Караліну, Джорджыю. На першым узроўні напісана дата 1776 год рымскімі лічбамі — MDCCLXXVI. Вока на вяршыні піраміды — усёвідушчае вока. Надпіс «Annuit cœptis» значыць «Яно добразычлівае да нашых пачынанняў». Фраза, напісаная на стужцы пад пірамідай, абвяшчае «Novus Ordo Seclorum» — «Новы парадак навекі».

Спіс элементаў лікам трынаццаць

• 13 зорак
• 13 вертыкальных палос на шчыце
• 13 стрэл у лапе арла
• 13 лістоў і 13 маслін на аліўкавай галіне
• па 13 літар у надпісах «E Pluribus Unum» і «Annuit cœptis»
• 13 цагляных узроўняў піраміды, а вакол яе — 13 пучкоў травы

Як выглядае пячатка

•  
  Вялікая пячатка ЗША
•  
  Працэс адбівання пячаткі прэсам
•  
  Адбітак пячатка

 

Вялікую пячатку ЗША з 1935 года выяўляюць на адваротным боку банкноты $ 1. Злева выява адваротнага боку пячаткі, справа — пярэдняга боку.

• Сцяг ЗША
• Пячатка прэзідэнта Злучаных Штатаў

• Вялікая пячатка Злучаных Штатаў Архівавана 11 снежня 2007.
• www.greatseal.com (англ.)
• The Great Seal of the United States PDF, (англ.)