Хабараўск: горад у Расеі
Хаба́раўск — горад у Расеі.
Адміністрацыйны цэнтар Хабараўскага краю і Далёкаўсходняй фэдэральнай акругі. Насельніцтва на 2018 год — 618 150 чалавек. Плошча гораду — 386 км². Адлегласьць ад Масквы: па паветры — каля 6100 км, па чыгунцы — 8533 км.
| Хабараўск | |||||
| рас. Хабаровск | |||||
 Вуліца Мураўёва-Амурскага ў цэнтры Хабараўску | |||||
| |||||
| Дата заснаваньня: | 1858 | ||||
| Горад з: | 1880 | ||||
| Краіна: | Расея | ||||
| Суб’ект фэдэрацыі: | Хабараўскі край | ||||
| Кіраўнік: | Аляксандар Сакалоў[d], Pavel Filippov Dmitrievich[d] і Sergey Kravchuk[d] | ||||
| Плошча: | 386 км² | ||||
| Насельніцтва (2018) | |||||
| колькасьць: | 618 150 чал. | ||||
| шчыльнасьць: | 1601,42 чал./км² | ||||
| Тэлефонны код: | 4212 | ||||
| Паштовы індэкс: | 680000–680150 | ||||
| Геаграфічныя каардынаты: | 48°29′0″ пн. ш. 135°4′0″ у. д. / 48.48333° пн. ш. 135.06667° у. д. 135°4′0″ у. д. / 48.48333° пн. ш. 135.06667° у. д. | ||||
Хабараўск на мапе Расеі   Хабараўск | |||||
 Галерэя здымкаў у Вікісховішчы | |||||
| http://www.khabarovskadm.ru/ | |||||
.png)
Гісторыя
Заснаваны ў 1858 годзе як ваенны пост Хабараўка, названы ў гонар расейскага землепраходца XVII стагодзьдзя Ерафея Хабарава. З 1880 году — горад Хабараўка, адміністрацыйны цэнтар Прыморскай вобласьці, з 1884 году — адміністрацыйны цэнтар Прыамурскага генэрал-губэрнатарства. У Хабараўск пераназваны ў 1893 годзе. У 1897 годзе злучаны чыгункай з Уладзівастокам. У 1902 годзе заснаваны ваенны завод «Арсэнал». У пачатку XX стагодзьдзя Хабараўск — буйны гандлёвы цэнтар Далёкага Ўсходу, з 1904 году — база Амурскай ваеннай флятыліі. У 1916 годзе пабудаваны чыгуначны мост цераз Амур, які злучыў Хабараўск з чыгункай Усходняй Сыбіры. У складзе Далёкаўсходняй рэспублікі ў 1922 годзе ўвайшоў у склад РСФСР. З 1926 году — цэнтар Далёкаўсходняга, з 1938 году — Хабараўскага краю. У 1940 годзе злучаны чыгункай з Камсамольскам-на-Амуры. У 1949 годзе праходзіў Хабараўскі працэс.
Эканоміка
Прамысловасьць: машынабудаваньне і мэталаапрацоўка (энэргетычнае і ацяпляльнае абсталяваньне, рухавікі, судны, кабэль), нафтаперапрацоўка, дрэваапрацоўка, лёгкая, харчовая, хіміка-фармацэўтычная прамысловасьць, вытворчасьць будаўнічых матэрыялаў.
Транспарт
- Хабараўскі трамвай
Славутасьці
- Храм Сьвяціцеля Інакенція Іркуцкага (1869 год; у савецкі час быў разьмешчаны плянэтарый)
- Спаса-Праабражэнскі катэдральны сабор (2004 год) — трэці паводле велічыні праваслаўны храм у Расеі, пасьля Храму Хрыста Збавіцеля ў Маскве й Ісаакіеўскага сабору ў Санкт-Пецярбурзе.
- Усьпенскі сабор
- Храм Серафіма Сароўскага
- Хабараўскі краявы музэй імя М.І.Градэкава
- Помнік Мікалаю Мураўёву-Амурскаму
- Парк імя Юрыя Гагарына (з курыльскай лісьцьвеньніцай, пасаджанай Ю. Гагарыным у 1962 годзе)
- Хабараўскі ўцёс
 | _front.jpg) |  |  |
| Спаса-Праабражэнскі катэдральны сабор | Помнік Мураўёву-Амурскаму на банкноце наміналам у 5000 рублёў | Стэла «Горад вайсковай славы» | Мост цераз Амур |
Міжнародныя стасункі
Консульствы замежных дзяржаваў
Гарады-сябры
Глядзіце таксама
- Аўтамагістраль Усуры
- Otto Dix
Вонкавыя спасылкі
Хабараўск — сховішча мультымэдыйных матэрыялаў
This article uses material from the Wikipedia Беларуская (тарашкевіца) article Хабараўск, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.