Трэцяя паліцэйская частка — адміністрацыйна-тэрытарыяльная адзінка дарэвалюцыйнага Менску ў XIX — пачатку XX стст.
Займала тэрыторыю леваруч ад Сьвіслачы, была найвялікшай і найбольш стракатай.
Забудова часткі была пераважна драўлянай, бліжэй да цэнтру места сустракаліся мураваныя будынкі і брукаваныя вуліцы. На яе тэрыторыі знаходзіліся прамысловыя прадпрыемствы і вайсковыя кашары.
Насельніцтва — працоўныя, сяляне, рамесьнікі, гандляры, чыноўнікі ніжэйшага рангу, вайскоўцы, дробныя абшарнікі.
На Траецкай гары, што ўваходзіла ў склад адзінкі, разьмяшчаўся вялізны нядзельны кірмаш, куды навакольныя сяляне звозілі птушку, печаны хлеб, сала, збожжа. На ім таксама гандлявалі мясцовыя жыхары з тых, што мелі за ракой, на ўскраінах, уласныя драўляныя будынкі, валодалі агародамі і пляцамі, садамі, часам трымалі жывёлу і, як сяляне, аралі зямлю.
This article uses material from the Wikipedia Беларуская (тарашкевіца) article Трэцяя паліцэйская частка Менску, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.