Самі Хэдыра: нямецкі футбаліст
Самі Хэдыра (па-нямецку: Sami Khedira; нарадзіўся 4 красавіка 1987 году, Штутгарт, ФРН) — былы нямецкі футбаліст туніскага паходжаньня, паўабаронца.
За часам сваёй кар’еры прыцягваўся да матчаў нацыянальнай зборнай Нямеччыны. Чэмпіён сьвету 2014 году.
| Самі Хэдыра | ||
 | ||
| Пэрсанальная інфармацыя | ||
|---|---|---|
| Нарадзіўся | 4 красавіка 1987 (36 гадоў) | |
| Рост | 189 см | |
| Вага | 90 кг | |
| Пазыцыя | цэнтральны паўабаронца | |
| Клюбы | ||
| Гады | Клюб | Гульні (галы)¹ |
| 2005—2007 2007—2010 2010—2015 2015—2021 2021 | Штутгарт II Штутгарт Рэал Мадрыд Ювэнтус Гэрта | 22 (1) 98 (14) 102 (6) 99 (21) 9 (0) |
| Зборныя | ||
| 2009—2018 | Нямеччына | 77 (7) |
Кар’ера
«Штутгарт»
Дэбютаваў у Бундэсьлізе 1 кастрычніка 2006 году ў матчы супраць «Гэрты». 29 студзеня 2007 году падпісаў кантракт са «Штутгартам» да чэрвеня 2009 году. 9 ліпеня 2008 году падоўжыў кантракт да лета 2011 году. У клюбе пасьпяхова гуляў на пазыцыі апорнага паўабаронцы, некаторы час быў віцэ-капітанам каманды.
«Рэал Мадрыд»
Летам 2010 году перайшоў у мадрыдзкі «Рэал». Сума трансфэру склала 12 млн эўра. 21 красавіка 2012 году забіў гол у браму «Барсэлёны», у тым матчы «Рэал» перамог зь лікам 2:1, яшчэ адзін гол правёў лідэр «Рэалу» Крыштыяну Раналду.
Міжнародная кар’ера
У зборнай Нямеччыне дэбютаваў 5 верасьня 2009 году ў таварыскім матчы супраць зборнай ПАР. З-за шматлікіх траўмаў асноўных гульцоў зборнай Самі трапіў у заяўку на чэмпіянат сьвету 2010 году. На самім мундыялі ён правёў усе 7 матчаў сваёй зборнай, удастоіўшыся пры гэтым, разам з Бастыянам Швайнштайгерам, зь якім гуляў у паўабароне, пахвалы за выдатную гульню ў цэнтры поля. У матчы за 3-е месца адзначыўся пераможным голам у браму зборнай Уругваю.
Дасягненьні
Клюбныя
«Штутугарт»:
- Чэмпіён Нямеччыны: 2007
«Рэал»:
- Чэмпіён Гішпаніі: 2012
- Уладальнік Кубка Гішпаніі (2): 2011, 2014
- Уладальнік Супэркубка Гішпаніі: 2012
- Пераможца Лігі чэмпіёнаў: 2014
- Уладальнік Супэркубка Эўропы: 2014
- Пераможца клюбнага чэмпіянату сьвету: 2014
«Ювэнтус»:
- Чэмпіён Італіі (5): 2016, 2017, 2018, 2019, 2020
- Уладальнік Кубка Італіі (3): 2016, 2017, 2018
- Уладальнік Супэркубка Італіі: 2018
Міжнародныя
Нямеччына:
- Чэмпіён сьвету: 2014
- Бронзавы прызэр чэмпіянату сьвету: 2010
Крыніцы
Вонкавыя спасылкі
This article uses material from the Wikipedia Беларуская (тарашкевіца) article Самі Хэдыра, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.