Самі Хедзіра: нямецкі футбаліст
Самі Хедзіра (ням.: Sami Khedira; нар.
4 красавіка 1987, Штутгарт, ФРГ) — нямецкі футбаліст туніскага паходжання, паўабаронца. Ігрок нацыянальнай зборнай Германіі (2009—2018), чэмпіён свету 2014 года.
 Самі Хедзіра | ||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|
 | ||||||||||||||||||||||
| Агульная інфармацыя | ||||||||||||||||||||||
| Нарадзіўся | 4 красавіка 1987 (37 гадоў) | |||||||||||||||||||||
| Грамадзянства |  Германія Туніс | |||||||||||||||||||||
| Рост | 189 см | |||||||||||||||||||||
| Вага | 90 кг | |||||||||||||||||||||
| Пазіцыя | апорны паўабаронца | |||||||||||||||||||||
| Інфармацыя пра клуб | ||||||||||||||||||||||
| Клуб | завяршыў кар’еру | |||||||||||||||||||||
| Маладзёжныя клубы | ||||||||||||||||||||||
| ||||||||||||||||||||||
| Клубная кар’ера | ||||||||||||||||||||||
| ||||||||||||||||||||||
| Нацыянальная зборная | ||||||||||||||||||||||
| ||||||||||||||||||||||
| Узнагароды і медалі | ||||||||||||||||||||||
| ||||||||||||||||||||||
 Медыяфайлы на Вікісховішчы | ||||||||||||||||||||||
Клубная кар’ера
«Штутгарт»
Дэбютаваў у Бундэслізе 1 кастрычніка 2006 года ў матчы супраць «Герты». 29 студзеня 2007 года падпісаў кантракт са «Штутгартам» да чэрвеня 2009 года. 9 ліпеня 2008 года падоўжыў кантракт да лета 2011 года. У клубе паспяхова гуляў на пазіцыі апорнага паўабаронцы, некаторы час быў віцэ-капітанам каманды.
«Рэал Мадрыд»
Летам 2010 года перайшоў у мадрыдскі «Рэал Мадрыд». Сума трансферу склала 12 млн еўра. 21 красавіка 2012 года забіў гол у браму «Барселоны», у тым матчы «Рэал» перамог з лікам 2:1, яшчэ адзін гол правёў лідар «Рэалу» Крыштыяну Раналду.
«Ювентус»
9 чэрвеня 2015 года «Ювентус» абвясціў аб падпісанні чатырохгадовага кантракта з Хедзірай, які перайшоў у італьянскі клуб у якасці свабоднага агента. Кантракт пачаў дзейнічаць з 1 ліпеня, пасля сканчэння тэрміну пагаднення з «Рэалам». 15 ліпеня Хедзіра быў афіцыйна прадстаўлены ў якасці іграка «Ювентуса».
У сезоне 2020/21 страціў месца ў складзе каманды і не выхадзіў на поле.
«Герта»
У лютым 2021 года вярнуўся ў Бундэслігу, падпісаўшы кантракт з берлінскай «Гертай». У маі 2021 года абвясціў аб завяршэнні кар’еры па заканчэнні сезона.
Міжнародная кар’ера
У зборнай Германіі дэбютаваў 5 верасня 2009 года ў таварыскім матчы супраць зборнай ПАР. З-за шматлікіх траўмаў асноўных ігракоў зборнай Самі трапіў у заяўку на чэмпіянат свету 2010 года. На самім мундыялі ён правёў усе 7 матчаў сваёй зборнай, удастоіўшыся пры гэтым, разам з Басціянам Швайнштайгерам, з якім гуляў у паўабароне, пахвалы за выдатную гульню ў цэнтры поля. У вельмі ўпартым матчы за 3-е месца адзначыўся пераможным голам у браму зборнай Уругвая.
Дасягненні
Клубныя
«Штутгарт»
- Чэмпіён Германіі: 2007
«Рэал»
- Чэмпіён Іспаніі: 2012
- Уладальнік Кубка Іспаніі (2): 2011, 2014
- Уладальнік Суперкубка Іспаніі: 2012
- Пераможца Лігі чэмпіёнаў: 2014
- Уладальнік Суперкубка УЕФА: 2014
- Пераможца клубнага чэмпіянату свету: 2014
«Ювентус»:
- Чэмпіён Італіі (5): 2016, 2017, 2018, 2019, 2020
- Уладальнік Кубка Італіі (3): 2016, 2017, 2018
- Уладальнік Суперкубка Італіі: 2018
Міжнародныя
Германія:
- Чэмпіён свету: 2014
- Бронзавы прызёр чэмпіянату свету: 2010
Зноскі
Спасылкі
На Вікісховішчы ёсць медыяфайлы па тэме Самі Хедзіра
This article uses material from the Wikipedia Беларуская article Самі Хедзіра, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.