Рэцэсія (лац.
recessus — адступленьне) — спад сукупнага ўнутранага прадукту цягам прынамсі 2-х кварталаў за год.
Падкляса ад | эканамічная дзейнасьць, сацыяльная праблема |
---|---|
Частка ад | эканамічны цыкль |
Процілегла | эканамічны рост |
Прадугледжвае адначаснае скарачэньне рэальных даходаў і занятасьці, прамысловай вытворчасьці і гандлю. Прычынай служыць шырокі спад спажываньня ў выніку імклівага скарачэньня попыту на паслугі і тавары. Гэтаму ў сваю чаргу спрыяюць стыхійнае бедзтва, у тым ліку пандэмія, лопаньне гаспадарчай бурбалкі, спад рынкавай прапановы і замежнага гандлю, а таксама фінансавы крызіс.
У 1994 годзе гіпэрінфляцыя прывяла да рэцэсіі са спадам СУП Беларусі на 10,4 %.
У 2015 годзе сукупны ўнутраны прадукт Беларусі ўпаў на 3,9 %. Пры гэтым прамысловая вытворчасьць скарацілася на 6,6 %, гуртовы гандаль на — 4,4 %, а ўкладаньні ў асноўны капітал — на 15,2 %. Чыньнікам для адчыненай гаспадаркі Беларусі стаў спад замежнага гандлю з 2-ма найбольшымі гандлёвымі партнэрамі — Расеяй і Ўкраінай, між якімі ўсчалася вайна на Данбасе. У 2016 годзе рэцэсія працягнулася спадам СУП Беларусі яшчэ на 2,6 %.
У 2020 годзе СУП Беларусі зьнізіўся на 0,9 % пад уплывам каронавіруснай пандэміі падобна шматлікім іншым краінам. У 2022 годзе рэцэсія прывяла да спаду СУП больш як на 4 %. Пры гэтым да пачатку расейскага ўварваньня ва Ўкраіну ў лютым рост гаспадаркі Беларусі складаў 2,7 %.
Гэта — накід артыкула па эканоміцы. Вы можаце дапамагчы Вікіпэдыі, пашырыўшы яго. |
This article uses material from the Wikipedia Беларуская (тарашкевіца) article Рэцэсія, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.