Казімер Альхімовіч: мастак

Казімер Альхімовіч
	Казімер Альхімовіч
	Казімер Альхімовіч. Фатаграфія часоў паўстаньня 1863-1864 гадоў
Дата нараджэньня	20 сьнежня 1840[…]
Месца нараджэньня	Дэмбрава, Лідзкі павет, Гарадзенская губэрня, Літоўскае генэрал-губэрнатарства, Расейская імпэрыя;
Дата сьмерці	31 сьнежня 1916 (76 гадоў)
Месца сьмерці	Варшава, Расейская імпэрыя;
Месца пахаваньня	Павонзкаўскія могілкі[d];
Месца вучобы	Мюнхэнская акадэмія мастацтваў[d];
Занятак	маляр
Навуковая сфэра	малярства
Плынь	рамантызм
	Казімер Альхімовіч у Вікісховішчы

Дэмбрава Лідзкага павету, цяпер Шчучынскі раён — 31 сьнежня 1916, Варшава) — мастак.

Жыцьцяпіс

Нарадзіўся ў шляхецкай сям’і, старэйшы брат Гіяцынта Альхімовіча. Скончыў Віленскую гімназію, дзе м. інш. атрымаў пачатковую мастацкую адукацыю. Разам з братам удзельнічаў у паўстаньні 1863—1864 гадоў, быў сасланы на Ўрал. Вярнуўся ў 1869 г., вучыўся ў мастацкай школе В. Герсана(pl) ў Варшаве, скончыў Акадэмію мастацтваў у Мюнхене (1875). У 1876—1877 гадах жыве ў Францыі, выстаўляе свае карціны ў парыскіх салёнах. З 1877 года жыве пераважна ў Варшаве. З 1890 году выкладаў у прыватнай школе малюнку і разьбы Б. Пасьвіковай.

Творчасьць

К. Альхімовіч лічыцца адным з апошніх польскіх мастакоў рамантычнага накірунку. Ён маляваў карціны на гістарычную і міталягічную тэматыку, пэйзажы Літвы і Татраў, рэлігійныя палотны (сярод якіх «Найсьвяцейшая Марыя Панна» для царквы ў Закапаным, «Сьвятая Тройца» для катэдры Ў Любліне), жанравыя сцэнкі. На мастацкае станаўленьне Казімера Альхімовіча аказала моцны ўплыў творчасьць вядомага віленскага мастака Канута Русецкага. Творчасьці Казімера Альхімовіча характэрная гістарычная і міталягічная тэматыка.

Выстаўляўся ў Варшаве (1874—1912), Мюнхэне, Адэсе, Кракаве (1873—1902), Вене. Ягонае палатно «Пахаваньне Гедыміна» (1888) двойчы атрымоўвала ўзнагароды. Паводле паэмы А. Міцкевіча «Пан Тадэвуш» створана карціна «Над магілай Робака» («Вяртаньне герояў»).

Акрамя жывапісу мастак захапляўся росьпісам парцаляну і фаянсу, а таксама разьбой па дрэве. Вялікая колькасьць працаў К. Альхімовіча захоўваецца ў варшаўскім Нацыянальным музэі.

Ствараў карціны на тэмы беларускае, польскае й літоўскае гісторыі: «Пахаваньне Гедыміна», «Пасьля бітвы», «Лізьдзейка з дачкой на руінах сьвятыні Пяруна», «Абарона Ольштына» (1883), «Сьмерць Глінскага ў турме» (каля 1884), «Багіня Мілда». Яго палатно «Пахаваньне Гедыміна» (1888) двойчы заваёўвала ўзнагароды. У творах, створаных пад уплывам сыбірскай высылкі, гучыць пратэст супраць самадзяржаўя: «Сьмерць у выгнаньні», «Пахаваньне на Ўрале» (Каля 1890), «На этапе» (1884) і іншыя. У карцінах на бытавыя тэмы паказаны праца парабкаў, іх цяжкая доля: «Жніва» (1869), «Найманьне працаўнікоў» (1893), «Хата парабка» і іншыя.

Казімер Альхімовіч вядомы як ілюстратар твораў Юльюша Славацкага й Адама Міцкевіча. Паводле паэмы Адама Міцкевіча «Пан Тадэвуш» стварыў карціну «Над магілай Робака» («Вяртаньне герояў»)

Творы

нумар	назва	дата напісаньня	памеры	знаходзіцца	ілюстрацыя
1.	Па Бітве	1874
2.	Лізьдзейка з дачкой на руінах сьвятыні Пяруна	1876	14, 3 × 9, 4 см
3.	Абарончыя муры	1877	18, 5 × 26, 6 см
4.	Абарона Ольштына	1881	186 × 272 см	Нацыянальны музэй у Варшаве
5.	Зінгара	1879	37, 5 × 29, 5 см
6.	Гапляна	1881
7.	Краявід	1886	25, 5 × 37, 5 см	Нацыянальны музэй у Кракаве
8.	У даліне Татраў	1887	41, 5 × 31, 5 см
9.	Пахаваньне Гедыміна	1888	220 × 350 см	Нацыянальны музэй у Кракаве
10.	Багіня Мілда	1890	208 × 142 см	Нацыянальны музэй у Варшаве
11.	Вандроўны разносьнік	1890	193 × 138 см
12.	Карчаваньне	1891	48 × 61 см
13.	Найманьне працаўнікоў	1893	91 × 134, 5 см	Нацыянальны музэй у Варшаве
14.	Высланцы	1894	140 × 97 см	Нацыянальны музэй у Варшаве
15.	Сьвіцязянка	1898 1900	81 × 111 см
16.	Каплічка на гары Біруты	1899	41 × 30, 5 см
17.	Водны млын	1901	37 × 60 см
18.	Над магілай Робака або Вяртаньне герояў	1901
19.	Жніва	1902	57 × 85, 5 см	Музэй у Лешна
20.	У крухце касьцёлу	1904	41, 8 × 37 см	Нацыянальны музэй у Варшаве
21.	Прыдарожны крыж	1905	68 × 52 см
22.	Пэйзаж з бацянам	1905	62, 8 × 77 см
23.	Войскі з рогам	1907	108 × 65,5 см
24.	Шляхціч і селянін	1908	60 × 37 см
25.	Адсюль ліцьвіны вярталіся	1909	9 × 14 см
26.	Багіня Мілда	1910	133 × 76 см	Нацыянальны музэй у Варшаве
27.	Бірута	1914	37 × 60 cm	Нацыянальны мастацкі музэй імя Мікалоюса Чурлёніса

Крыніцы

Літаратура

Бібікава А. Зорка Казіміра Альхімовіча: (аб творчасці беларускага мастака) / Ала Бібікава // Милицейский вестник: еженедельная газета УВД Гродненского облисполкома / учредитель: УВД Гродненского облисполкома. — 2006. — 26 окт. (№ 43). — С. 12.
Календарыюм // Czasopis № 12/2005.
Загідуліна М. Духоўны свет Казіміра Альхімовіча / М. Загідуліна // Мастацтва. — 1998. — № 4. — C. 28-32.
Савук А. Жывапісец паганскай Літвы: (Казіміру Альхімовічу — 160 год з дня нараджэння) // Лідскі Летапісец № 12.
Kazimierz Alchimowicz — powstaniec i malarz, Nasz Dziennik Nr 196 (3517), 22-23 sierpnia 2009
Artyzm, K. Alchimowicz
Kraków wczoraj i dziś, Malarstwo historyczne K. Alchimowicz
Mieczysław Treter, w: Polski Słownik Biograficzny. T. 1. Kraków: Polska Akademia Umiejętności — Skład Główny w Księgarniach Gebethnera i Wolffa, 1935, s. 55-56. Reprint: Zakład Narodowy im. Ossolińskich, Kraków 1989, ISBN 83-04-03484-0
T. Dobrowolski, W. Tatarkiewicz, Historia sztuki polskiej w zarysie, Tom III, Kraków 1962, s. 268;
L. Grajewski, Bibliografia ilustracji w czasopismach polskich, Warszawa 1972, s. 14 i nast.;
Saur Allgemeines Künstlerlexikon, Tom II, München/Leipzig 1992, s. 173 i nast.;
Halina Stępień, Maria Liczbińska, Artyści polscy w środowisku monachijskim w latach 1828—1914. Materiały źródłowe, Warszawa 1994, s. 11, 27;
Egzotyczna Europa. Kraj urodzenia na płótnach polskich monachijczyków, katalog wystawy, Suwałki 2015.

Вонкавыя спасылкі

Творчасьць Казімера Альхімовіча (пол.)

This article uses material from the Wikipedia Беларуская (тарашкевіца) article Казімер Альхімовіч, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.