Злынкаўскі Раён

Адміністрацыйны цэнтар — места Злынка.

Злынкаўскі раён
Злынковский район
Герб
Агульныя зьвесткі
Краіна	Расея
Статус	раён
Уваходзіць у	Бранскую вобласьць
Адміністрацыйны цэнтар	Злынка
Дата ўтварэньня	1929
Насельніцтва (2018)	12 012
Плошча	735 км²
Месцазнаходжаньне Злынкаўскага раёну
Мэдыя-зьвесткі
Часавы пас	UTC +3
Тэлефонны код	+7 48358
Код аўтам. нумароў	32
Афіцыйны сайт
Дадатковыя мультымэдыйныя матэрыялы

Плошча раёну — 735 км² (самы маленькі раён вобласьці па плошчы). Асноўныя рэкі — Іпуць, Няцеша, Злынка.

Злынкаўскі раён утвораны ў 1929 годзе і пачаткова ўваходзіў у Клінцоўскую акругу Заходняй вобласьці з цэнтрам у м. Смаленску. У 1937—1944 раён уваходзіў у Арлоўскую вобласьць.

5 ліпеня 1944 году ўказам Прэзыдыюму Вярхоўнага савету СССР была ўтворана Бранская вобласьць, у склад якой, нароўні зь іншымі, быў улучаны і Злынкаўскі раён. У 1959 раён скасавалі, а ў 1989 — аднавілі.

Насельніцтва раёну на 2009 год складала 13,2 тыс. чалавек, у тым ліку ў мескіх умовах жывуць каля 8,3 тыс.: 5,5  тыс. у райцэнтры і 2,8 тыс. — у мястэчку Вышкаве. Усяго налічваецца 42 населеныя пункты.

Па муніцыпальнай рэформе (2005) у раёне налічваецца 2 мескія і 4 сельскія паселішчы:

Мескія паселішчы:

• Вышкаўскае мескае паселішча
• Злынкаўскае мескае паселішча

Сельскія паселішчы:

• Дзяніскавіцкае сельскае паселішча
• Рогаўскае сельскае паселішча
• Сьпірыдонавабудзкае сельскае паселішча
• Шчарбініцкае сельскае паселішча

Па тэрыторыі раёну праходзіць магістральная чыгуначная лінія Бранск — Гомель. У мястэчку Вышкаве разьмешчана чыгуначная станцыя Злынка Маскоўскай чыгункі.

Да Злынкаўскага раёну адміністрацыйна належыць анкляў Санькова-Мядзьвежжа, разьмешчаны ўсярэдзіне тэрыторыі Добрускага раёну Гомельскай вобласьці Беларусі.

  Злынкаўскі раён — сховішча мультымэдыйных матэрыялаў