Літаратурная прэмія «Дэбют» імя Максіма Багдановіча — літаратурная ўзнагарода, якая прысуджаецца літаратарам-пачаткоўцам.
Надаецца ў тых жанрах, у якіх пісаў Максім Багдановіч: паэзія, проза і мастацкі пераклад. Твор мусіць быць напісаны па-беларуску, аўтар на момант вылучэньня павінен мець ня больш за 35 поўных гадоў.
Заснаваная ў сьнежні 2010 году Беларускім ПЭН-цэнтрам ды Саюзам беларускіх пісьменьнікаў з удзелам расейскага бізнэсоўца беларускага паходжаньня Паўла Бераговіча.
Год | Паэзія | Проза | Мастацкі пераклад |
---|---|---|---|
2010 | Віталь Рыжкоў | Наталка Харытанюк | Наста Лабада |
2011 | Антон Францішак Брыль | Віктар Марціновіч | часопіс ПрайдзіСвет |
2012 | Андрэй Адамовіч | Юлія Шарова | Ганна Янкута |
У 2016 годзе ў беларускай літаратурнай прасторы ўзьнік скандал па выніках уручэньня літаратурнай прэміі «Дэбют». На цэрымоніі ўручэньня прэміі намінацыя «Паэзія» засталася без пераможцы, у выніку чаго маладыя паэты палічылі такое рашэньне журы зьняважлівым да іх. Пасьля інцындэнту паэт Алесь Плотка, які увайшоў у шорт-ліст прэміі, зьвярнуўся да арганізатараў конкурсу з просьбай «каб брыдкі скандал, які ўзнік вакол гэтай намінацыі, быў вырашаны». Яго падтрымалі і астатнія шортлістэры. Алесь Плотка пракаментаваў, што сваім рашэньнем не прызначаць пераможцу сярод паэтаў журы парушыла статут прэміі, дзе напісана: «ў кожнай намінацыі вызначаюцца пераможца (1 месца) і даюцца два заахвочвальныя прызы».
This article uses material from the Wikipedia Беларуская (тарашкевіца) article Дэбют (літаратурная прэмія), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.