Бярозаўскі Раён

Бярозаўскі раён мяжуе з Дарагічынскім, Івацэвіцкім, Кобрынскім, Пружанскім і Янаўскім раёнамі Берасьцейскай вобласьці.

Бярозаўскі раён
Герб
Агульныя зьвесткі
Краіна	Беларусь
Статус	раён Беларусі
Уваходзіць у	Берасьцейская вобласьць
Адміністрацыйны цэнтар	Бяроза
Найбуйнейшыя гарады	Бяроза, Белаазёрск
Дата ўтварэньня	15 студзеня 1940
Насельніцтва (2018)	62 882
Шчыльнасьць	44,5 чал./км²
Плошча	1412,77 км²
Вышыня па-над узр. м.  · сярэдняя вышыня	140 м
Месцазнаходжаньне Бярозаўскага раёну
Мэдыя-зьвесткі
Афіцыйны сайт
Дадатковыя мультымэдыйныя матэрыялы

Бярозаўскі раён адміністрацыйна падзелены на 11 сельсаветаў: Блудзенскі сельсавет (8 вёсак), Бярозаўскі сельсавет (10 вёсак), Зьдзітаўскі сельсавет (8 вёсак), Малецкі сельсавет (16 вёсак), Міжлескі сельсавет (8 вёсак), Пескаўскі сельсавет (9 вёсак), Сакалоўскі сельсавет (5 вёсак), Сігневіцкі сельсавет (20 вёсак), Спораўскі сельсавет (2 вёскі), Стрыгінскі сельсавет (8 вёсак) і Сялецкі сельсавет (16 вёсак). Усяго ў Бярозаўскім раёне 112 населеных пунктаў (у тым ліку Бяроза і Белаазёрск).

 

Раён быў сфармаваны ў 1940 годзе пасьля далучэньня Заходняй Беларусі да СССР. У 1958—1967 гадах у раёне была пабудаваная гідраэлектрастанцыя. Для працаўнікоў электрастанцыі ў 1958 годзе быў збудаваны горад Белаазёрск. Таксама ў пасьляваенныя гады пад Бярозай у Осаўцах быў разьмешчаны 927-ы авіяполк.

Раён разьмяшчаецца ў цэнтральнай частцы Берасьцейскай вобласьці, займае паўднёва-ўсходнюю частку Прыбужанскай раўніны і паўночна-заходнюю частку Прыпяцкага Палесься. Працягласьць з захаду на ўсход 48 км, з поўначы на поўдзень — 41 км.

Праз тэрыторыю раёну працякае рака Ясельда. Найбольшыя вадаёмы — азёры Чорнае, Спораўскае, Белае, вадасховішча Сялец. Рэчкі і азёры займаюць 100 км². На тэрыторыі раёну знаходзіцца 17 водных аб’ектаў, прыдатных для рыбагаспадарчага выкарыстаньня.

На тэрыторыі Бярозаўскага раёну часткова ляжыць рэспубліканскі біялягічны заказьнік «Спораўскі».

Лес займае 25,2 % тэрыторыі раёну. Асноўны лесафондатрымач — Івацэвіцкая лясгаспадарка. Плошча паляўнічых угодзьдзяў Бярозаўскага раёну складае 115 тысячаў га.

• XXI стагодзьдзе: 2009 год — 66 988 чал. (перапіс); 2016 год — 63 710 чал.; 2017 год — 63 338 чал.; 2018 год — 62 882 чал.

Прадпрыемствы раёну вырабляюць сельскагаспадарчую прадукцыю, керамічную плітку, будаўнічыя матэрыялы, тэкстыль. Праз раён праходзяць важная аўтамабільная траса і чыгунка, якія злучаюць Берасьце і Менск.

• Чарняхаўская праваслаўная царква Сьвятога Мікалая (1725)
• Бярозаўскі кляштар — руіны кляштару картузаў, Бяроза
• Старапескаўскі маёнтак (XIX стагодзьдзе)
• Касьцёл Сьвятой Панны Марыі, Сігневічы (1795)

• Алесь Разанаў (1947—2021) — беларускі паэт, ляўрэат Купалаўскай прэміі (1990)
• Кадзя Маладоўскі (1894—1975) — габрэйская паэтка, пісала на ідыш
• Ніна Мацяш (1943, в. Нівы — 2008) — беларуская паэтка і перакладчыца
• Адам Пуслоўскі (1803, в. Пескі — 1854) — беларускі шляхціч, удзельнік Лістападаўскага паўстаньня 1830—1831 рр. на Беларускім Палесьсі

• Бярозаўскі раён , Radzima.org
• Бярозаўскі раён  (рас.), Глёбус Беларусі
• Бярозаўскі раённы выканаўчы камітэт