У 1995 г. панятак увёў амэрыканскі псыхатэрапэўт Іван Голдбэрг. На 2009 г. сеткавую залежнасьць мелі да 10% карыстальнікаў пэрсанальных кампутараў
Папярэджаньне
Прадухіленьню залежнасьці спрыяе разьмяшчэньне кампутара ў пакоі, даступным для ўсіх чальцоў сям’і (у зале). Таксама варта скласьці сьпіс карысных сайтаў у закладках браўзэра і старацца абмяркоўваць атрыманыя ў Сеціве зьвесткі ў жывых зносінах з блізкімі людзьмі.
Чыньнікі
Узьнікненьню інтэрнэт-залежнасьці спрыяе нястача ўвагі з боку бацькоў у дзяцінстве, цкаваньне ў школе з боку аднагодкаў, няўпэўненасьць у сабе і крайняя сарамлівасьць у міжасабовых зносінах, празьмернае імкненьне трымацца апошніх кірункаў у модзе. Пагатоў доступ да Сеціва аблягчае атрыманьне грамадзкай падтрымкі, стварэньне ўласнага вобразу і атрыманьне хуткай прыемнасьці і плоцевага задавальненьня.
Праявы
Да душэўных праяваў залежнасьці ад Сеціва належаць:
- Узбуджэньне напярэдадні падлучэньня. Прагнае чаканьне і прыемнае адчуваньне ад ажыцьцяўленьня доступу да кампутара.
- Сындром адмены. Трывожнае адчуваньне адзіноты і адарванасьці ад жыцьця пры адсутнасьці доступу да Сеціва.
- Страта кіраваньня часам. Шматгадзінная захопленасьць увагі Сецівам прыводзіць да адкладаньня працоўных і сямейных справаў, сустрэчаў і дамоўленасьцяў.
- Адмова жывых зносінаў на карысьць сеціўных. Сядзеньне перад маніторам забясьпечвае пераважную колькасьць забаваў. Электронныя сябры замяняюць выхад у людзі і стасункі з жыцьцёвымі сябрамі.
- Пастаянная падлучанасьць. Штогадзінная праверка рахунку ў сацыяльнай сетцы і электроннай пошты для падліку ўпадабаньняў і паведамленьняў.
- Бязмэтавасьць. Штатгадзінныя зносіны на форуме і ў чаце ды працяглы агляд сайту бяз пошуку патрэбных зьвестак.
- Марнатраўства. Хаваньне істотных выдаткаў на кампутарныя праграмы і прылады ад блізкіх.
- Скаргі ад блізкіх. Абурэньне навакольных надта частым знаходжаньнем у Сеціве выклікае выкрутлівае тлумачэньне патрэбнасьці доступу да кампутара.
- Раздражненьне. Пачуцьцёвае абурэньне пры спробе перапыніць доступ да Сеціва.
- Дакучлівасьць. Штодзённае шматкратнае абмеркаваньне Сеціва і кампутараў са знаёмымі.
- Складанасьці ў справах. Правал на працы і ў навучаньні праз парушэньне засяроджанасьці на выкананьні задачы.
- Паўтаральнасьць (рэцыдыў). Поўнае вяртаньне залежнасьці пры першым жа доступе да кампутара пасьля перапынку.
Да цялесных праяваў залежнасьці адносяць:
- Сухасьць у вачах і пагаршэньне зроку (блізарукасьць).
- Галаўны боль і боль у сьпіне ад шматгадзіннага сядзеньня за маніторам.
- Грэбаваньне і забыцьцё побытавых дзеяньняў: прыёму ежы і душу, чысткі зубоў.
- Схільнасьць да абжорства каля экрана.
- Недасып ад засынаньня глыбокай ноччу ці пад ранак у сувязі зь перашкодай сну ў выглядзе расчуленасьці шматлікімі зьвесткамі.
- Прыдалоневы сындром (боль) празь перанапругу цягліцаў у кісьцях рук.
- Бледнасьць і кругі пад вачыма ад нястачы сьвежага паветра.
- Хуткая цялесная стамляльнасьць.
- Дыхавіцу праз надта малы прыток паветра.
- Дэпрэсію і трывожнасьць ад незадаволенасьці сваім грамадзкім жыцьцём.
Крыніцы
Вонкавыя спасылкі
This article uses material from the Wikipedia Беларуская (тарашкевіца) article Інтэрнэт-залежнасьць, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.