ARM (анг.
Advanced RISC Machine, Acorn RISC Machine — удасканаленая RISC-машына) — 32-бітавая архітэктура набору інструкцыяў са скарочаным наборам камандаў, якая распрацоўваецца кампаніяй ARM Holdings. Дадзеныя працэсары маюць нізкае энэргаспажываньне, таму знайшлі шырокі распаўсюд ва ўбудоўваных сыстэмах і на рынку мабільных прыстрояў, для якіх нізкае энэргаспажываньне істотнае.
Першапачаткова працэсары ARM прызначаліся для ўстаноўкі ў пэрсанальныя кампутары фірмы Acorn Computers.
Па стане на 2009 год на працэсары ARM даводзіцца да 90% усіх убудаваных 32-разрадных RISC-працэсараў. Гэтыя працэсары шырока ўжываюцца ў КПК, мабільных тэлефонах, лічбавых носьбітах і прайгравальніках, партатыўных гульнявых кансолях, калькулятарах і кампутарных пэрыфэрыйных прыстроях, такіх як цьвёрдыя дыскі ці маршрутызатары.
Па ліцэнзіі брытанскай карпарацыі ARM мікрапрацэсары вырабляюць Alcatel-Lucent, Analog Devices, «Эпл», Atmel, Broadcom, Cirrus Logic, Digital Equipment Corporation, Freescale, «Інтэл» (да 27 чэрвеня 2006 году), LG, Marvell Technology Group, Microsoft, NEC, Nuvoton, nVidia, NXP (раней Philips), Oki, Qualcomm, Samsung, Sharp, Sony Ericsson, STMicroelectronics, Symbios Logic, Texas Instruments, VLSI Technology, Yamaha і ZiiLABS.
Прыклады найбольш выбітных сямействаў працэсараў кампаніі ARM Holdings: ARM7, ARM9, ARM11 і Cortex. Працэсарамі, што вырабляюцца па ліцэнзіі ARM, зьяўляюцца StrongARM (вытворчасьці DEC), i.MX (Freescale), XScale (Marvell, раней выпускаліся «Інтэлам»), Nintendo, Tegra (nVidia), Nomadik (ST-Ericsson), Snapdragon (Qualcomm), прадуктовая лінейка OMAP (Texas Instruments), Samsung Hummingbird і Apple A4.
Самыя першыя пакаленьні пэрсанальных кампутараў Acorn Archimedes на мікрапрацэсарах ARM выкарыстоўвалі часовую апэрацыйную сыстэму пад назвай Arthur, якая пазьней была перапрацаваная ў RISC OS і прызначаная для ўжываньня на наступных пакаленьняў ARM-сумяшчальных сыстэмаў фірмы Acorn і іншых вытворцаў.
Мікрапрацэсары архітэктуры ARM падтрымоўваюцца вялікай колькасьцю інтэграваных АС і сыстэмаў рэальнага часу, у тым ліку Windows CE, Symbian, eCos, Integrity, Nucleus PLUS, MicroC/OS-II, QNX, RTXC Quadros, ThreadX і VxWorks.
Падтрымоўваецца такімі апэрацыйнымі сыстэмамі, як GNU/Linux, BSD, Plan 9 (Bell Labs), Inferno, Solaris, Apple iOS, WebOS і Android.
ARM-працэсары падтрымоўваюцца ніжэйпералічанымі дыстрыбутывамі Linux:
ARM-працэсары падтрымоўваюцца ніжэйпералічанымі вытворнымі BSD:
Microsoft 5 студзеня 2011 году абвясьціла пра тое, што зьбіраецца ўкараніць падтрымку архітэктуры ARM у сваю наступную вэрсію апэрацыйнае сыстэмы (Windows 8), а таксама прадэманстравала Windows (білд 6.2.7867), запушчаную на кампутары ARM.
This article uses material from the Wikipedia Беларуская (тарашкевіца) article ARM (працэсар), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.