Эрэсундзкі мост (па-швэдзку: Öresundsbron), таксама Эрэсунскі мост (па-дацку: Øresundsbroen) — сумешчаны мост-тунэль, які ўключае 2-пуцявую чыгунку і 4-палосную аўтамагістраль праз праліў Эрэсунд.
Гэта самая доўгая сумешчаная дарога і чыгуначны мост у Эўропе, якія злучаюць сталіцу Даніі Капэнгаген і швэдзкі горад Мальмё. Мост і тунэль зьяўляюцца часткай міжнароднага эўрапейскага аўтамабільнага маршруту E20, а таксама Эрэсундзкай чыгуначнай лініі. Будаўніцтва бесьперапыннай лініі Вялікага Пасу (The Great Belt Fixed Link) і Эрэсундзкага мосту дазволіла зьвязаць кантынэнтальную Эўропу са Швэцыяй і ўсёй Скандынавіяй. Мост быў спраектаваны дацкай архітэктурнай фірмай Дысынг + Вэйтлінг (Dissing + Weitling).
Эрэсундзкі мост перасякае мяжу паміж Даніяй і Швэцыяй, але дзякуючы Шэнгенскаму пагадненьню там няма пашпартнага кантролю. Праводзяцца звычайныя мытныя праверкі ля стэндаў (шапікаў) аплаты праезду па мосьце для тых, хто заязджае ў Швэцыю, але не для тых, хто заязджае ў Данію.
This article uses material from the Wikipedia Беларуская (тарашкевіца) article Эрэсундзкі мост, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.