Фільм, 2012 У Тумане: Беларускі фільм

Стала 2-м экранізаваньнем рамана пасьля фільма 1992 року, зьнятага рэжысэрам Сяргеем Лінковым. Карціна ўдзельнічала ў асноўным конкурсе 65-га Канскага кінафэстывалю (Францыя). Фільм быў узнагароджаны спэцыяльным прызам Міжнароднай фэдэрацыі кінапрэсы (Парыж). Правы на сусьветны продаж стужкі набыло нямецкае прадпрыемства «Запалкавая фабрыка» (Кёльн).

«У тумане»
рас. В тумане
Жанр	драма
Рэжысэр	Сяргей Лазьніца
Сцэнарыст	Васіль Быкаў, Сяргей Лазьніца
Заснаваны на	У тумане[d]
Прадусар	Гайна Дэкерт Рычард МакКалум
У ролях	Уладзімер Сьвірскі Уладзіслаў Абашын Сяргей Колесаў
Апэратар	Алег Муту
Мантаж	Даніэліюс Каканаўскіс[d]
Вытворчасьць	Беларусьфільм MA.JA.DE Fiction Rija Films Lemming Film GP Cinema Company
Распаўсюд	Cirko Film[d]
Дата выхаду	2012
Працягласьць	127 хвілін
Краіна	Беларусь Нямеччына Расея Латвія Нідэрлянды
Мова	расейская
Бюджэт	2 млн. эўра
Папярэдні	«Шчасьце маё» (2010)
Наступны	«Майдан» (2014)
Старонка на IMDb
Афіцыйны сайт

1942 рок. Беларусь акупаваная нямецкімі войскамі. Пад час расьсьледаваньня справы аб падрыве цягніка немцы арыштоўваюць чыгуначнага абходчыка Сушчэню, але за тым нечакана адпускаюць. Мясцовыя жыхары пачынаюць падазраваць таго ў супрацоўніцтве з акупантамі. Двое партызан адводзяць Сушчэню ў лес, дзе зьбіраюцца забіць яго як здрадніка. Але на шляху ў прызначанае месца партызаны трапляюць у пастку гестапаўцаў, якія выкарыстоўвалі Сушчэню як прынаду, каб злавіць партызан. У выніку бойкі паміж партызанамі й гестапаўцамі адзін партызан гіне, другога паранілі. Сушчэня застаецца зь ім сам-насам і ў яго зьяўляецца шанец даказаць сваю невінаватасьць. Аднак, гісторыя для ўсіх мае трагічны канец.

• Уладзімер Сьвірскі — чыгуначны абыходчык Сушчэня
• Уладзіслаў Абашын — партызан Сьвідраў
• Сяргей Колесаў — партызан Войцік
• Сяргей Рускін — паліцай
• Цімафей Трыбунцаў — паліцай
• Барыс Каморзін — паліцай
• Міхаіл Яўланаў — паліцай
• Ігар Хрыпуноў — Міроха
• Кірыла Пятроў — Карабан
• Дзьмітры Быкоўскі — Ярашэвіч
• Надзея Маркіна — маці Бурава
• Улад Іваноў — Гросмеер
• Юлія Перасільд — Анэля

• «Золата Лістапада» 2012 году — галоўная ўзнагарода 18-га кінафэстывалю «Лістапад» (Беларусь).
• Прыз Міжнароднай фэдэрацыі кінапрэсы за лепшы фільм асноўнага конкурсу на 65-м Канскім кінафэстывалі (Францыя).
• Гран-Пры 6-га кінафэстывалю «Люстэрка» імя А.Таркоўскага (Іванава, Расея).
• Галоўны прыз (Залаты абрыкос) за лепшы фільм на Ерэванскім міжнародным кінафэстывалі «Залаты абрыкос» (Армэнія).
• Галоўны прыз 3-га Адэскага міжнароднага кінфэстывалю (Украіна) за лепшы фільм.

У 2001 годзе рэжысэр Сяргей Лазьніца атрымаў дазвол на экранізаваньне рамана «У тумане» ад Васіля Быкава. Здымкі праходзілі ў Латвіі цягам 28 дзён. Пры здымках дапусьцілі памылку. Каля ўваходу ў Райхскамісарыят, адкуль адпускалі Сушчэню, віселі сьцягі Трэцяга рэйху зь левабаковай свастыкай, хоць Трэці Райх выкарыстоўваў на сваім сьцягу правабаковую свастыку.