Р’юкю́ (па-японску: 琉球諸島) — архіпэляг вульканічных і каралавых астравоў і выспаў у Ціхім акіяне.
Тэрыторыя Японіі. Аддзяляе Ўсходне-Кітайскае мора ад адкрытай часткі Ціхага акіяну. Утварае 6 групаў з 98 астравоў, выцягнутых дугападобна з паўночнага ўсходу на паўднёвы захад на 1200 км паміж астравамі Кюсю і Тайвань. Плошча каля 4,8 тыс. км². Найбольшыя астравы: Акінава і Амамі. Насельніцтва больш за 1 млн чал.
Паўднёва-ўсходняя частка астравоў складзеная пераважна з вапнякоў мэзакайназою, на паўночным захадзе пашыраныя вульканічныя пароды, у восевай зоне на паверхню часта выходзіць крышталічны фундамэнт. Пераважаюць плято і нізкагор’і (вышыня — 300—350 м) і нізкія берагавыя тэрасы. Найбольшая вышыня да 1935 м (на востраве Яку). 3 дзейныя і некалькі патухлых вульканаў. Уздоўж берагоў паўднёвай групы — каралавыя рыфы. Радовішчы фасфарытаў і каменнага вугалю.
Клімат на поўначы — субтрапічны, на поўдні — трапічны, мусонны. Ападкаў 2000 — 3500 мм за год, частыя тайфуны. Сярэдняя тэмпэратура студзеня 14-18°С, ліпеня — 27-28°С. Трапічныя лясы і хмызьнякі.
Вырошчваньне рысу, батату, цукровага трысьнягу. Рыбалоўства. Галоўны горад — Наха (на востраве Акінава).
This article uses material from the Wikipedia Беларуская (тарашкевіца) article Р’юкю, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.