Кі́еўская архіяпа́рхія (унія́цкая) — адміністрацыйна-тэрытарыяльная адзінка (архіяпархія) Ўніяцкай царквы ў межах Вялікага Княства Літоўскага і Кароны Каралеўства Польскага ў час існаваньня Рэчы Паспалітай, галоўная (мітрапаліцкая) ўніяцкая архіяпархія Кіеўскай, галіцкай і ўсяе Русі мітраполіі.
З канца 16 стагодзьдзя ахоплівала Кіеўскае, Наваградзкае, Менскае, Віленскае, Троцкае ваяводзтвы і Жамойць.
Пасьля Берасьцейскай царкоўнай уніі 1596 году ўніяцкая Кіеўская мітрапаліцкая архіяпархія стала правапераемніцай парафіяў Кіеўскай мітрапаліцкай праваслаўнай архіяпархіі, хоць частка парафіяў і сьвятароў не прынялі Унію.
Галоўная рэзідэнцыя кіеўскага архібіскупа-мітрапаліта знаходзілася ў Вільні, з 1607 па 1795 — у Прачысьценскай царкве Ўсьпеньня Найсьвяцейшай Багародзіцы. Пасьля пажару ў 1748 годзе рэзідэнцыя кіеўскіх уніяцкіх мітрапалітаў была перанесена ў Радамышаль пад Кіевам.
Пасьля 3-га падзелу Рэчы Паспалітай у 1795 годзе Кіеўская архіяпархія была скасаваная, а яе цэрквы і манастыры падначалены полацкаму архібіскупу.
This article uses material from the Wikipedia Беларуская (тарашкевіца) article Кіеўская архіяпархія (уніяцкая), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.