Карэліцкі Раён

Плошча раёну складае 1,1 тыс. км². Насельніцтва на 2018 год — 19 691 чалавек. Адміністрацыйны цэнтар — мястэчка Карэлічы.

Карэліцкі раён
Герб
Агульныя зьвесткі
Краіна	Беларусь
Статус	раён Беларусі
Уваходзіць у	Гарадзенская вобласьць
Адміністрацыйны цэнтар	Карэлічы
Дата ўтварэньня	15 студзеня 1940
Кіраўнік	Генадзь Шатуеў[d]
Насельніцтва (2018)	19 691
Шчыльнасьць	18 чал./км²
Плошча	1093,66 км²
Вышыня па-над узр. м.  · сярэдняя вышыня	143 м
Месцазнаходжаньне Карэліцкага раёну
Мэдыя-зьвесткі
Часавы пас	UTC +3
Тэлефонны код	+375-15-96
Паштовыя індэксы	231 4хх
Афіцыйны сайт
Дадатковыя мультымэдыйныя матэрыялы

Карэліцкі раён мяжуе з Наваградзкім раёнам Гарадзенскай вобласьці, Стаўпецкім і Нясьвіскім раёнамі Менскай вобласьці і Баранавіцкім раёнам Берасьцейскай вобласьці.

Працягласьць раёну з поўначы на поўдзень — 28 км, з захаду на ўсход — 40 км.

Значную частку раёну займае Нёманская нізіна, на захадзе — схілы Наваградскага ўзвышша. Пераважаюць вышыні 140—200 м, максымальная — 261,7 м (каля в. Малюшычы).

Карысныя выкапні: торф, крэйда, гліны, пяскова-жвіровы матэрыял, жалезныя руды, будаўнічыя пяскі.

Клімат умерана кантынэнтальны. Сярэдняя тэмпэратура студзеня −6,5 °C, ліпеня 17,5 °C. Сярэднярочная колькасьць ападкаў складае 695 мм. Працягласьць вэгетацыйнага пэрыяду 189 дзён.

Лясы займаюць 21% тэрыторыі, пераважаюць хваёвыя і яловыя. Буйны масіў на крайнім паўночным усходзе (Графская пушча).

Рачная сетка даволі шчыльная. Найбольшая рака Нёман зь левымі прытокамі Вуша й Сэрвач, працякае шмат дробных рачулак. На тэрыторыі раёну знаходзяцца некалькі невялікіх азёраў, штучных вадаёмаў.

• XXI стагодзьдзе: 2016 год — 20 520 чал.; 2017 год — 20 101 чал.; 2018 год — 19 691 чал.

Паводле перапісу 2009 году насельніцтва раёну складала 24 130 чалавек (у мястэчку Карэлічы — 6854 чал., мястэчку Мір — 2310 чал.).

У раёне пражывае 94,8% беларусаў, 2,6% расейцаў, 1,6% палякаў і іншыя нацыянальнасьці (украінцы, татары, армяне).

Сельская гаспадарка спэцыялізуецца на мяса-малочнай жывёлагадоўлі, сьвінагадоўлі, птушкагадоўлі.

Прадпрыемствы харчовай, лёгкай, будаўнічых матэрыялаў прамысловасці.

Па тэрыторыі раёну праходзяць аўтамабільныя дарогі Наваградак — Карэлічы — Мір — Нясьвіж, Мір — Стоўпцы і інш.

Захаваліся помнікі архітэктуры: замкава-паркавы комплекс (уключаны ЮНЭСКО ў Сьпіс помнікаў Сусьветнай культурнай і прыроднай спадчыны) у мястэчку Мір, Сьвята-Траецкая царква і касьцёл сьвятога Мікалая, капліца-пахавальня ў мястэчку Мір, Сьвята-Казанская царква ў в. Беражна, Сьвята-Ўзьнясенская царква ў в. Вялікая Мядзьвядка, касьцёл сьвятой Ганны і сядзібны будынак у в. Варонча, Сьвята-Петра-Паўлаўская царква ў в. Вялікія Жухавічы, Усясьвяцкая царква ў в. Дольная Рута, Сьвята-Узьнясенская царква і капліца у в. Ярэмічы, Сьвята-Георгіеўская царква ў в. Запольле, сядзібны будынак у в. Кальчычы, Сьвята-Ўсьпенская царква ў в. Любанічы, Сьвята-Яна-Прачысьценская царква ў в. Малыя Жухавічы, званіца Сьвята-Міхайлаўскай царквы ў в. Мірацічы, сядзіба ў мястэчку Першамайскі, царква, жылыя і сядзібныя будынкі ў в. Райца, капліца ў в. Сэрвач, Сьвята-Пакроўская царква ў в. Турэц.

• Флярыян Бохвіц (1799—1856) — беларускі філёзаф
• Ян Булгак (1876, маёнтак каля в. Асташын — 1950) — майстар мастацкай краязнаўчай фатаграфіі, этнограф, фалькларыст
• архімандрыт Леў Гарошка (1911—1977) — грэка-каталіцкі сьвятар, грамадзкі дзеяч, дасьледнік гісторыі рэлігіі ў Беларусі
• Міхась Гурын (нар. 1941) — беларускі гісторык, археоляг
• Ігнат Дамейка (1802—1889) — геоляг, натураліст, дасьледнік, нацыянальны герой Чылі
• Аляксандар Ільінскі (1903—1967) — беларускі актор
• Вінцэсь Каратынскі (1831—1891) — польскі пісьменьнік
• Пятро Конюх (1910, в. Турэц — 1994) — беларускі опэрны сьпявак
• Салямон Майман (1753—1800) — філёзаф
• Барыс Рагуля (1920, в. Турэц — 2005) — вайсковы і палітычны дзяяч
• Ян Чачот (1796—1847) — беларускі і польскі паэт

• Кореличский район // Туристская энциклопедия Беларуси / редкол. Г. П. Пашков [и др.]; под общ. ред. И. И. Пирожника. — Мн., 2007. — 648 с. ISBN 978-985-11-0384-9.

• Карэліцкі раён , Radzima.org
• Карэліцкі раён  (рас.), Глёбус Беларусі