Капіта́н (па-лацінску: caput — галава) — вайсковае званьне ахвіцэрскага саставу ў арміі і на флёце шматлікіх краінаў сьвету.
Ва Узброеных Сілах Рэспублікі Беларусь (з 1992), а таксама ў войсках шэрагу дзяржаваў, па рангу вышэй за «старшага лейтэнанта», але ніжэй за «маёра».
Упершыню чын (званьне) капітан зьявіўся ў Сярэднявеччы ва Францыі, дзе так звалі начальнікаў асобных ваенных акруг; з 1558 году капітанамі сталі зваць камандзіраў рот, а начальнікаў ваенных акруг — генэрал-капітанамі.
У арміі Вялікага Княства Літоўскага званьне капітан выкарыстоўвалася толькі ў пяхоце, артылерыі і інжынэрных частках. У кавалерыі капітану адпавядала званьне ротмістр. Намесьнікам капітана зьяўляўся штабс-капітан.
Знакам адрозьненьня капітана ў арміі ВКЛ у XVIII стагодзьдзі былі чатыры зорачкі на пагоне. Пасьля адраджэньня арміі ВКЛ у 1812 г. знакам адрозьненьня капітана быў «чысты» эпалет без махры.
This article uses material from the Wikipedia Беларуская (тарашкевіца) article Капітан, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.