Гістарычны слоўнік Беларусі (па-ангельску: Historical dictionary of Belarus) — энцыкляпэдыя на ангельскай мове, выдадзеная ў 1998 годзе.
Частка сэрыі «European historical dictionaries» (№28). Укладальнік Янка Запруднік. Налічвае больш за 4200 артыкулаў.
Слоўнік зьмяшчае інфармацыю пра вядомых дзеячоў і падзеі беларускай гісторыі, дзяржаўныя інстытуты ў гістарычнай пэрспэктыве, сьвятых Беларусі, нацыянальныя сьвяты і звычаі, палітычныя партыі Беларусі, нацыянальныя меншасьці і іншае. Таксама прэзэнтуецца шэраг значных фігураў расейскае гісторыі, якія моцна паўплывалі на лёсы Беларусі (Іван III, Іван IV, Кацярына II, Сталін, Ленін і іншыя). Дадатак утрымлівае пералік уладароў Беларусі з 860 (ад Рагвалода) да 1997 году.
Аўтар падае пазыцыю беларускіх гісторыкаў па праблеме спадчыны Вялікага Княства Літоўскага: ён падкрэсьлівае эканамічны патэнцыял земляў сучаснай Беларусі ў Вялікім Княстве і культурны аспэкт, г. зн. той факт, што беларуская мова была дзяржаўнай у Княстве, што беларуская культура ў ім дамінавала, асабліва ў XVI ст.
This article uses material from the Wikipedia Беларуская (тарашкевіца) article Гістарычны слоўнік Беларусі, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.