Віадэн Мэдыя

Viaden Media) — беларускае прадпрыемства распрацоўкі апраграмаваньня для здароўя і азартных гульняў у сеціве пад мабільныя апэрацыйныя сыстэмы, заснаванае ў 2001 годзе ў Менску.

У 2001 г. Юры Гурскі і Віктар Пракапеня заснавалі прадпрыемства «Віадэн Мэдыя» для аўтсорсінгу вэб-дастасункаў. У 2006 г. прадпрыемства перайшло да распрацоўкі мабільнага апраграмаваньня для сеціва. У 2007 г. «Віадэн Мэдыя» стала рэзыдэнтам Беларускага парку высокіх тэхналёгіяў. У 2009 г. пачалася распрацоўка ўласнага апраграмаваньня для гульняў і здароўя пад мабільныя апэрацыйныя сыстэмы Android і iOS. На сакавік 2011 г. мабільнымі дастасункамі прадпрыемства карысталіся звыш 7 млн чалавек. Пры канцы 2011 г. транснацыянальны вытворца гульнявога апраграмаваньня «Плэйтэк»(en) (анг. Playtech; Дуглас, востраў Мэн), буйнешым акцыянэрам якога быў ізраільскі мільярдэр Тэдзі Сагі(en), набыў «Віадэн Мэдыя» за €95 млн. У 2013 г. са складу «Віадэн Мэдыя» вылучылі прадпрыемства «Плюс Спорт» зь сядзібай у Лёндане (Ангельшчына), якое ў жніўні ў вайшло ў дзясятку найпрыбытковейшых распрацоўнікаў дастасункаў пад iOS. На 2015 г. спартовымі дастасункамі «Плюс Спорт» (Sport.com) карысталіся звыш 27 млн чалавек.

• Старонка на Google Play
• Апраграмаваньне прадпрыемства для здароўя (анг.)

Гэта — накід артыкула пра Беларусь. Вы можаце дапамагчы Вікіпэдыі, пашырыўшы яго.